аддзела па адукацыі Пружанскага райвыканкама
Книга Беларуси XIV-XVIII веков
Могилевский институт МВД Республики Беларусь
Архивы
Яндекс.Метрика

КАНИКУЛЫ

Гістарычны экскурс

У сувязі са святкаваннем у 2020 годзе 75-годдзя Вялікай Перамогі падчас зімовых канікул старшакласнікі наведалі гісторыка-краязнаўчы музей СШ №1 г. Пружаны. Сотні экспанатаў, дзясяткі пісьмаў расказалі гасцям аб гістарычным мінулым Пружанскага раёна. Вучні даведаліся, што ўяўляюць сабой фонды музея, на аснове якіх матэрыялаў ствараюцца экспазіцыі і выставы, дзякуючы каму папаўняецца музей экспанатамі. Таксама вучні пабывалі ля помніка, прысвечанага воінам-афганцам, дзе ўшанавалі іх памяць хвілінай маўчання.

Крочым у будучыню

Падчас зімовых канікулаў вучні старэйшых класаў наведалі STEM-клас у СШ № 1 г. Пружаны, дзе навучэнцы маюць магчымасць вывучаць асновы праграмавання, 3D-мадэлявання, канструявання робатаў і многае іншае. Таксама старшакласнікі даведаліся аб тым, што такі клас працуе па ініцыятыве і падтрымцы асацыяцыі “Адукацыя для будучыні”.

 

Сто пытанняў

9 студзеня вучні пачатковых класаў былі запрошаны да ўдзелу ў спаборніцтвах кемлівых. Тарасава М.Б. прапанавала вучням пытанні аб жывёльным і раслінным свеце Беларусі, музычных інструментах, кампазітарах і іх творах, касмічным асяроддзі. Падчас спаборніцтваў вучні не толькі ўзнавілі раней набытыя веды, але і даведаліся шмат новага і цікавага.

Пружанскі ільнозавод запрашае

9  студзеня вучні 8, 9, 11 класаў пабывалі ў ААТ “Пружанскі ільнозавод”. Наведаўшы адкрытае акцыянернае таварыства, вучні змаглі асабіста паназіраць за працэсам вытворчасці ільнянога валакна і даведацца аб прафесіях работнікаў ільнозавода.

Вывучаем вытворчасць

8 тсудзеня вучні 5 — 7 класаў наведалі ААТ «Завод радыёдэталяў», дзе майстар пазнаёміў вучняў з працэсам вытворчасці панэлей прыбораў і электражгутоў для сельскагаспадарчай тэхнікі, Дадзеная прадукцыя выкарыстоўваецца ў зборачным працэсе трактароў МТЗ у г. Мінску.

Жыві і памятай

Падчас зімовых канікул вучні пачатковых класаў наведалі памятнае месца каля Ружан, прысвечанае баям танкавых дывізій у першыя дні Вялікай Айчыннай вайны. Каля пліты, устаноўленай перад насыпам, вучні хвілінай маўчання ўшанавалі памяць ста дваццаці сямі пахаваных тут воінаў, сто пятнаццаць з якіх да цяперашняга часу застаюцца невядомымі.

 

 

Музей вайны – тэрыторыя міру – Брэсцкая крэпасць

3 студзеня ў нашай школе прайшло мерапрыемства, прысвечанае ваеннай тэматыцы. Завочная экскурсія дапамагла навучэнцам акунуцца ў страшэнную эпоху выпрабаванняў, жаху, болі і гераізму, якая напаткала велічны савецкі народ падчас Вялікай Айчыннай вайны.

У госці да жывёл

3 студзеня вучні пачатковых класаў здзейснілі экскурсію ў заасад «Залаты фазан» у в. Малочкі. Падчас наведвання яны пазнаёміліся з умовамі жыцця не толькі жывёльнага свету Беларусі, але і жыхароў паўднёвых краін. Прыгажуны алені, цікаўныя казулі і лані, свавольнік камерунскі козлік, рознакаляровыя паўліны і фазаны, гарэзы-вавёрачкі, пушыстыя лісы і іншыя жывёлы ўздымалі настрой не толькі дзецям, але і дарослым наведвальнікам заасаду.

Дарогамі вайны

3 студзеня вучні старэйшых класаў адправіліся ў віртуальнае падарожжа па сцежках жорсткага ваеннага ліхалецця. Падчас мерапрыемства старшакласнікі пазнаёміліся больш глыбока з падзеямі Вялікай Айчыннай вайны і гістарычнымі звесткамі аб героях-патрыётах беларускай зямлі.

Чакаем Новы год

Кніжны карнавал “Па старонках зімовых казак” і творчыя пасядзелкі “Да нас прыходзіць Новы год” чакалі вучняў 30 снежня. З цікавасцю і захапленнем дзеці называлі казкі, адгадвалі загадкі, у якіх расказваецца пра зіму,  гулялі ў гульні, танцавалі і спявалі навагоднія песні, рабілі навагоднія ўпрыгожванні