Падведзены вынікі  другога этапу раённай алімпіяды.

Вучаніца 5 класа Варажбіцкая Анастасія адзначана дыпломам II ступені па нямецкай мове.

Вучаніца 6 класа Ганчарук Ангеліна адзначана дыпломам II ступені па беларускай мове і літаратуры.

Вучань 5 класа Курыльчук Павел адзначаны дыпломам III ступені па матэматыцы.

Вучаніца 6 класа Ціханчук Паліна адзначана дыпломам II ступені па матэматыцы.

Падведзены вынікі 26-га раённага агляду-конкурсу дзіцячай творчасці “Выратавальнікі вачыма дзяцей”. У намінацыі “Малюнак” у узроставай групе 7-10 гадоў 1 месца заняла вучаніца 4 класа Валодзькіна Вераніка. Віншуем Вераніку з перамогай!

За актыўны ўдзел у абласным конкурсе на лепшую ініцыятыву ў намінацыі «Маладзёжная аўдыторыя» у рамках дзяржаўнага прафілактычнага праекта «Здаровыя гарады і пасёлкі» і рэалізацыю валанцёрскага праекта «ДОМ» узнагароджваецца ДУА «Шаняўская СШ імя М.Засіма». Віншуем членаў атрада і яго кіраўніка Граб Вольгу Мікалаеўну!

З мэтай павышэння цікавасці да вывучэння народнай творчасці Брэстчыны, актывізацыі мастацкай дзейнасці вучняў у розных відах выяўленчага і дэкаратыўна-прыкладнога мастацтва, развіцця дзіцячай творчасці, выяўлення і падтрымкі таленавітай моладзі праводзіўся раённы этап абласной выставы-конкурсу дзіцячай творчасці  “Духоўная спадчына”. Дыпломам ІІІ ступені ў намінацыі “Выяўленчае мастацтва” ва ўзроставай групе 6-12 гадоў адзначана вучаніца 4 класа Ляшчынская Карына (кіраўнік Ханіла І.В.). Віншуем Карыну і Ханіла Ірыну Васільеўну!

З мэтай прыцягнення ўвагі да праблем зімуючых відаў птушак, захавання іх колькасці і падтрымання відавай разнастайнасці, уключэння ў практычную дзейнасць па ахове прыроды, выхавання адказных адносін падрастаючага пакалення да праблем захавання птушак прайшоў абласны конкурс «Птушкі — нашы сябры», які праводзіцца ў рамках абласной акцыі «Падтрымаем птушак!». У намінацыі «Кармушка дабра» дыпломам ІІІ ступені галоўнага ўпраўлення па адукацыі Брэсцкага аблвыканкама ўзнагароджаны навучэнцы дзяржаўнай установы адукацыі «Шаняўская сярэдняя школа імя Міколы Засіма» Кот Яўгеній, Пекун Данііл, Раманавіч Анастасія і Бабей Ягор (кіраўнік Жэдзік Г.М.). Віншуем пераможцаў абласнога конкурсу «Птушкі — нашы сябры», які праводзіцца ў рамках абласной акцыі «Падтрымаем птушак!»

30 студзеня ў Брэсцкім абласным інстытуце развіцця адукацыі прайшоў абласны семінар «Актуальныя практыкі арганізацыі шостага школьнага дня па фарміраванні культуры вольнага часу і занятасці непаўналетніх: вопыт і перспектывы». Вопытам работы педагагічнага калектыву па рэалізацыі праекта «ШАР: Школа актыўных бацькоў» падзялілася Граб Вольга Мікалаеўна, намеснік дырэктара па вучэбна-выхаваўчай рабоце ДУА «Шаняўская сярэдняя школа імя М. Засіма». Праект быў адзначаны дыпломам 1 ступені на абласным этапе рэспубліканскага конкурсу на лепшы праект па арганізацыі шостага школьнага дня ў намінацыі «Субота — майстэрня сямейнага вольнага часу».

Віншуем валанцёрскі атрад “ДОМ”, які заняў 2 месца ў раённым конкурсе валанцёрскіх атрадаў “Доброделы”. Каманда валанцёраў узнагароджана дыпломам і каштоўным падарункам. Жадаем і далей поспехаў у гэтай карыснай справе!