Падведзены вынікі другога этапу рэспубліканскай алімпіяды па вучэбных прадметах.
Вучаніца 5 класа Варажбіцкая Анастасія адзначана дыпломам II ступені па нямецкай мове.
Вучаніца 6 класа Ганчарук Ангеліна адзначана дыпломам II ступені па беларускай мове і літаратуры.
Вучань 5 класа Курыльчук Павел адзначаны дыпломам III ступені па матэматыцы.
Вучаніца 6 класа Ціханчук Паліна адзначана дыпломам II ступені па матэматыцы.
Традыцыйна першы навучальны дзень чвэрці ў нашай установе адукацыі пачаўся з урачыстай лінейкі, з вынасам сцяга і выкананнем дзяржаўнага гімна Рэспублікі Беларусь. Вучням уручылі дыпломы за перамогі ў конкурсах, павіншавалі з пачаткам новай вучэбнай чвэрці, пажадалі добрых адзнак, новых перамог і творчых поспехаў. Таксама агучаны планы і задачы, абазначаны галоўныя падзеі, якія чакаюць хлопчыкаў і дзяўчынак у чацвёртай чвэрці навучальнага года.
Штогод, 1 красавіка ўся планета адзначае Міжнародны дзень птушак. Гэты месяц быў абраны невыпадкова, бо менавіта ў красавіку крылатыя вандроўнікі, пераадольваючы ўсе перашкоды, накіроўваюцца дадому. «Птушыны калейдаскоп»- пад гэтай назвай прайшла інтэрактыўная гульня для вучняў 1-4 класаў. Навучэнцы тлумачылі прыказкі, адгадвалі загадкі, прымалі актыўны ўдзел у віктарыне «Пазнай птушку па апісанні», чыталі і аналізавалі апавяданні пра птушак.
Літаратурная акцыя «Прачытаў кнігу сам — перадай другому» для вучняў установы адукацыі прайшла ў перыяд вясновых канікул. Школьная бібліятэка прапанавала «вольную паліцу», куды можна было прынесці свае кнігі, а таксама выбраць і пачытаць кнігі, прынесеныя іншымі вучнямі. Мерапрыемства стала выдатнай нагодай нагадаць чытачам, што кнігі могуць прыносіць задавальненне не толькі ў працэссе чытання, але і абмену кнігамі. Спадзяемся, што гэтая акцыя стане традыцыйнай!
Дабро, якое ты робіш ад сэрца, ты робіш заўсёды сабе.
У рамках Года якасці і месячніка па добраўпарадкаванні і навядзенні парадку на зямлі працоўныя калектывы ААТ «Шані-аграпрадукт», сельвыканкама, сельскага клуба-бібліятэкі, мясцовыя жыхары і проста неабыякавыя людзі выйшлі 30 сакавіка на ўсеагульны суботнік па навядзенні парадку ў аг.Шані. Навучэнцы і педагогі ДУА «Шаняўская сярэдняя школа імя Міколы Засіма» прынялі актыўны ўдзел у суботніку. Разам мы робім нашу малую радзіму чысцейшай, святлейшай і прыгажэйшай.
Эмблема отражает силу и непокоренность народа-победителя. В 2024 году исполняется 80 лет со дня полного освобождения Беларуси от немецко-фашистских захватчиков. Разгром немецко-фашистских войск в Беларуси вошёл в историю как одна из важнейших битв Второй мировой и Великой Отечественной войн. Не имеющая себе равных по пространственному размаху, Белорусская наступательная операция «Багратион» нанесла крупнейшее поражение немецкой армии за всю военную историю Германии, разгромив группу армий «Центр». Одна из крупнейших военных операций за всю историю человечества. Это стало возможным благодаря беспримерному мужеству, героизму решимости и самопожертвованию сотен тысяч советских воинов и партизан Беларуси. Многие из которых пали смертью храбрых на белорусской земле во имя Победы над врагом.
Падведзены вынікі 26-га раённага агляду-конкурсу дзіцячай творчасці “Выратавальнікі вачыма дзяцей”. У намінацыі “Малюнак” у узроставай групе 7-10 гадоў 1 месца заняла вучаніца 4 класа Валодзькіна Вераніка. Віншуем Вераніку з перамогай!
Вучаніца 11 класа Міранюк Анастасія прымала ўдзел у конкурсе па стварэнні візуальных макетаў сацыяльнай рэкламы УУС сумесна з Галоўным упраўленнем па адукацыі. Сярод вучняў Брэсцкай вобласці быў праведзены конкурс на тэму “Лепшыя візуальныя крэатыўныя прафілактычныя матэрыялы па прафілактыцы сексуальнага насілля ў адносінах да дзяцей і падлеткаў, у тым ліку з выкарыстаннем сеткі інтэрнэт. Як не стаць ахвярай кіберзлачынцы?”. Насця была ўзнагароджана дыпломам ІІ ступені і каштоўным падарункам. Цяпер лістоўка Анастасіі знаёміць бацькоў Брэсцкай вобласці з інфармацыяй па прафілактыцы сексуальнага насілля.
На майстар-клас былі запрошаны наведвальнікі прышкольнага лагера «Дружба». Дзеці ахвотна адгукнуліся, уключыліся ў працу з вялікім жаданнем і цікавасцю. Падчас мерапрыемства вучні вучыліся рабіць касметычны рамонт кніг. Для дзяцей — гэта і гульня, і праца, і новыя веды. У ходзе рамонту навучэнцы адчулі важнасць сваёй працы і прыйшлі да высновы, што кнігі трэба берагчы.
Вучні 1-7 класаў наведалі малочна-таварны комплекс у аг.Шані і пазнаёміліся з умовамі гадавання маленькіх цялятак. Галоўны заатэхнік таварыства Асіпчук У.У. правёў для вучняў цікавую экскурсію і расказаў, як і чым кормяць малышоў, як падбіраюць корм, як часта за імі прыбіраюць і даюць вады, чыпіруюць і што потым з імі робяць. Назіраць за маленькімі бычкамі і цялушкамі было даволі цікава і замілавана. Дзецям такая сустрэча прынесла шмат прыемных эмоцый і была даволі цікавай.
