26 красавіка вучні 5-7 класаў наведалі фотавыставу «Чарнобыль ў памяці і кнігах». Бібліятэкар пазнаёміла прысутных з творчасцю беларускіх пісьменнікаў, якія ў сваіх творах закранулі тэму Чарнобыля. На выставе былі прадстаўлены фотаматэрыялы і дакументальныя брашуры. Мы павінны памятаць аб страшным дне, каб больш ніколі не паўтарылася такая трагедыя.

12 красавіка 1961 года стаў сапраўды гістарычным днём, калі ў космас адправіўся першы ў свеце касмічны карабель-спадарожнік з чалавекам на борце. Пілотам гэтага карабля быў савецкі лётчык-касманаўт Юрый Гагарын. З тых часоў штогод 12 красавіка адзначаецца Дзень касманаўтыкі. Фотавыстава да Дня касманаўтыкі  арганізавана бібліятэкарам школы Калядой А.Г.

У бібліятэцы аформлена выстава кніг, на якой прадстаўлены казкі, знаёмыя ўсім з дзяцінства: «Рэпка», «Калабок», «Маша і мядзведзь», «Церамок», «Курачка Раба», «Хаўрошачка», «Ліса і журавель», «Зайцава хатка» і зборнікі рускіх народных казак. Павучальныя гісторыі вучаць дзяцей таму, як важна быць паслухмяным, спагадным, не скнарнічаць і не ленавацца. Менавіта з казак дзеці здабываюць важныя жыццёвыя ўрокі: урокі маральнасці, сумленнасці, прыстойнасці. З выставай можна азнаёміцца з 5 па 12 красавіка.

Ханс Крысціян Андэрсэн — сусветна вядомы дацкі пісьменнік, аўтар мноства казак, чые героі сталі абавязковымі спадарожнікамі любога дзяцінства. «Русалачка», «Гадкае качаня», «Дзюймовачка», «Алавянны салдацік», «Снежная каралева», «Вогніва» — толькі малая частка твораў любімага аўтара. 2 красавіка — дзень нараджэння вядомага какзачніка, яшчэ гэта Міжнарожны дзень дзіцячай кнігі. Да гэтай даты бібліятэкар школы арганізавала выставу і запрасіла вучняў пазнаёміцца з яго творчасцю.

Да Дня памяці трагедыі вескі Хатынь, які праходзіць у Беларусі 22 сакавіка, у бібліятэцы ўстановы адукацыі арганізавана тэматычная выстава. Бібліятэкар школы падабрала літаратуру, якая расказвае пра падзеі хатынскай трагедыі і іншых вёсак, лёс якіх падобны на яе лёс. Вучні школы могуць пазнаёміцца і ўзяць пачытаць літаратуру дамоў.