У раённым этапе абласнога агляду-конкурсе па навядзенні парадку і азеляненні тэрыторый «Выдатней стане Брэстчына мая» у намінацыі «Давайце будзем памятаць усіх салдат» дыпломам 1 ступені узнагароджаны атрад «Выток», а таксама ў намінацыі «Азеляненне ўстаноў агульнай сярэдняй адукацыі размешчанага ў сельскай мясцовасці» — дыпломам 3 ступені. Віншуем атрад «Выток» і педагога Жэдзік Г.М.!
З мэтай фарміравання экалагічнай культуры навучэнцаў праз стварэнне і рэалізацыю праектаў па азеляненні і добраўпарадкаванні ў перыяд з красавіка па жнівень 2024 года праводзіўся раённы этап рэспубліканскага конкурсу па добраўпарадкаванні і азеляненні тэрыторый «Упрыгожым Беларусь кветкамі». У намінацыі «Захавальнік саду» дыпломам 1 ступені ўзнагароджана Шчалкунова Ганна. Віншуем Ганну і педагога Семянчук Валянціну Мікалаеўну. Дадзеная кампазіцыя з’яўляецца выдатным упрыгожваннем школьнага сквера.
На стадыёне «Туймаада» ў Якуцку завяршыўся першы фінальны дзень для лёгкаатлетаў, якія бяруць удзел у VIII летніх гульнях «Дзеці Азіі». Сярод 180 спартоўцаў выбіралі лепшых па бегу на 100, 200, 400, 1500 і 2000 м з перашкодамі, а таксама па трайных і якуцкіх скачках. Сярод юнакоў па бегу на 400 м пераможцам стаў Андрэй Літвіновіч. Віншуем!!! Мы табой ганарымся!!!
З мэтай папулярызацыі сярод моладзі дзяржаўнай сімволікі праходзіў раённы фотаконкурс «Сцяг Перамогі – радасці сцяг!», прымеркаваны да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Віншуем Міранюк Насцю і Шаламіцкую Паліну з перамогай у конкурсе!
Навучэнцы школы прынялі ўдзел у Дні адчыненых дзвярэй, які прайшоў сёння ў Пружанскім РАНС. Валодзькіна Вераніка была ўзнагароджана дыпломам 1 ступені ў раённым аглядзе-конкурсе дзіцячай творчасці «Выратавальнікі вачыма дзяцей».
З 22 па 24 мая праводзіўся раённы этап Рэспубліканскага творчага конкурсу юных чытальнікаў «Жывая класіка», у якім прыняў удзел 21 навучэнец. Дыпломам 3 ступені ўзнагароджваецца навучэнка 7 класа Сіліна Сняжана. Віншуем Сняжану і настаўніка беларускай мовы і літаратуры Сунік Алену Мікалаеўну!
Выдатнікі вучобы, дыпламанты прадметных алімпіяд і творчых конкурсаў, пераможцы спартыўных спаборніцтваў, члены Маладзёжнага парламента і ваенна-патрыятычных клубаў — больш за 2,6 тысячы чалавек (700 з абласцей і Мінска плюс амаль дзве тысячы брэсцкіх выпускнікоў) сабраліся сёння, 24 мая, у Брэсце на рэспубліканскае свята «Апошні званок». Усяго 4 выпускнікі з Пружанскага раёна прымаюць удзел у гэтым мерапрыемстве. У іх ліку выпускніца нашай школы Міранюк Анастасія. За гады вучобы ў школе Анастасія неаднаразова станавілася пераможцам не толькі раённых, абласных, але і рэспубліканскіх творчых конкурсаў.
Раённая ваенна-патрыятычная гульня «Зарніца-2024», прысвечаная 80-годдзю вызвалення Беларусі ад нямецка-фашысцкіх захопнікаў, праходзіла 16 мая на базе ГУДА «Цэнтр дзіцяча-юнацкага турызму і краязнаўства Пружанскага раёна» ў аг. Руднікі. Каманда «Страла» ДУА «Шаняўская сярэдняя школа імя Міколы Засіма» заняла 2 месца ў ваенізаванай эстафеце. Зусім крыху навучэнцам не хапіла да прызавога месца ў агульнакамандным заліку. Дзякуем адміністрацыі ААТ «Шані — аграпрадукт» за аказаную спонсарскую дапамогу ў набыцці параднай формы для нашых дзяцей.
З мэтай фарміравання ў моладзі грамадзянска-патрыятычнай пазіцыі, захавання гістарычнай памяці аб гераічным подзвігу беларускага народа ў гады Вялікай Айчыннай вайны прайшоў раённы конкурс інсцэніроўкі ваенна-патрыятычнай песні «Мы памятаем Ваш подзвіг». Члены аб’яднання па інтарэсах «Драматычны» ДУА «Шаняўская сярэдняя школа імя Засіма» пад кіраўніцтвам педагога Вашчук А.В. прынялі ўдзел у конкурсе і былі ўзнагароджаны дыплом 3 ступені і салодкім падарункам. Віншуем вучняў і Алёну Віктараўну з паспяховым выступленнем!
