У школе адбылася дыялогавая пляцоўка з начальнікам аддзела ідэалагічнай работы і па справах моладзі Пружанскага райвыканкама Момлікам Аляксандрам Канстанцінавічам, які пазнаёміў рабят з матэрыяламі аб расследаванні малавядомых падзей і фактаў гісторыі Брэсцкай вобласці перыяду Вялікай Айчыннай вайны. Старшакласнікі дзяліліся сваімі меркаваннямі аб важнасці работы, якая праводзіцца па захаванні гістарычнай праўды аб Вялікай Айчыннай вайне, задавалі госцю хвалюючыя іх пытанні.
У дзень святкавання Дня Незалежнасці Рэспублікі Беларусь актыў грамадскіх аб’яднанняў установы ўсклаў кветкі да помніка ахвярам фашызму аг. Шані і ўшанаваў памяць воінаў, загінуўшых у гады Вялікай Айчыннай вайны, хвілінай маўчання.
22 чэрвеня, у Дзень усенароднай памяці ахвяр Вялікай Айчыннай вайны і генацыду беларускага народа, каля помніка ахвярам фашызму ў аграгарадку Шані прайшоў мітынг-рэквіем. З трагічнай даты для ўсяго нашага народа прайшоў 81 год, але памяць пра яе жыве. Даніну гераізму і мужнасці нашага народа ў гады вайны аддалі выхаванцы аздараўленчага лагера «Дружба». Подзвіг, які застаецца ў сэрцы кожнага, ушанавалі хвілінай маўчання. Удзельнікі мітынгу памяці і смутку ўсклалі кветкі да помніка. Дзякуй за мір тым героям-вызваліцелям, хто загінуў, і тым, хто жыве!
У рамках Года гістарычнай памяці вучні 9 класа здзейснілі пазнавальны велапаход па Пружанскім раёне. Яны наведалі адзінага ў мікрараёне школы ветэрана Вялікай Айчыннай вайны Бабрук Марыю Аляксандраўну ў вёсцы Шубічы, якая расказала аб тым часе, калі яна была вывезена ў Германію. Далей шлях прывёў турыстаў у Свята-Мікалаеўскую царкву ў в. Засімавічы. На яе тэрыторыі знаходзіцца мемарыяльны знак у гонар загінуўшых у гады Вялікай Айчыннай вайны. Таксама вучні наведалі помнік ахвярам фашызму ў аг. Стараволя.
Адпачынкам на прыродзе быў прадоўжаны турыстычны велапаход. Цудоўныя ўспаміны застануцца ў памяці дзевяцікласнікаў.
У рамках абласной патрыятычнай акцыі ў ДУА «Шаняўская сярэдняя школа імя Міколы Засіма» кіраўніком ваенна-патрыятычнага выхавання праведзена дыялогавая пляцоўка з удзелам начальніка аддзела ідэалагічнай работы і па справах моладзі Пружанскага райвыканкама Момліка Аляксандра Канстанцінавіча. Падчас сустрэчы ўдзельнікі актыўна абмеркавалі інфармацыйныя матэрыялы аб даследаваннях малавядомых падзей і фактаў гісторыі свайго населенага пункта перыяду Вялікай Айчыннай вайны, аб даследаваннях Генеральнай пракуратурай крымінальнай справы па фактах здзяйснення нацыстамі генацыду беларускага народа, якая была ўзбуджана ў красавіку 2021 года, падзяліліся ўражаннямі аб важнасці праведзенай работы па даследаванні лёсаў землякоў — удзельнікаў, відавочцаў і ахвяр Вялікай Айчыннай вайны, успомнілі гістарычныя звесткі аб дзейнасці партызанскіх атрадаў і падпольных груп на тэрыторыі Пружанскага раёна, выказалі свае меркаванні аб важнасці правядзення работы па захаванні гістарычнай праўды пра падзеі Вялікай Айчыннай вайны з мэтай недапушчэння скажэння фактаў.
28 красавіка для вучняў 6 — 7 класаў была праведзена тэматычная класная гадзіна — Урок памяці «И помнит мир спасённый… «.
Усе ведаюць жахлівую трагедыю, якая адбылася з вёскай Хатынь. Лёс Хатыні падзялілі шматлікія населеныя пункты нашай краіны, многія не былі адноўлены. На мерапрыемстве дзеці даведаліся пра мемарыялы і помнікі, прысвечаныя ахвярам фашысцкага акупацыйнага рэжыму. Наша грамадства беражліва ўшаноўвае памяць і ставіцца з павагай да каштоўнасцей часоў Вялікай Айчыннай вайны, і вучні нашай школы не з’яўляюцца выключэннем.
Пад такой назвай у 5 класе прайшла класная гадзіна, на якой прысутнічала дырэктар школы Ярашэвіч Алена Мікалаеўна. Падчас сустрэчы яна расказала аб баявым шляху і ўзнагародах свайго дзядулі, удзельніка Вялікай Айчыннай вайны. З вялікім задавальненнем дзеці слухалі аповед і разглядвалі медалі і ордэны.
