Супрацоўнікі МНС у даступнай і займальнай форме распавялі навучэнцам 1,4 класаў пра тое, як трэба сябе паводзіць на вуліцы і дома, як не дапусціць пажару і што рабіць, калі пажар усё ж такі здарыўся, а таксама прадэманстравалі дзецям спецыяльную пажарную тэхніку і пажарна-выратавальны інвентар, паказалі прадметы баявога адзення. Дзецям было цікава, яны даведаліся шмат новага: для чаго пажарным спецыяльны касцюм, з дапамогай чаго пажарныя дыхаюць у задымленых участках, чым укамплектавана машына, якімі сродкамі пажарныя карыстаюцца пры тушэнні пажару.

     Усе хутка зарыентаваліся і ў адпаведнасці з планам эвакуацыі пакінулі будынак школы. Вучэбная пажарная эвакуацыя- гэта адно з вельмі важных, адказных і складаных мерапрыемстваў у сістэме мер па забеспячэнні пажарнай бяспекі ва ўстанове адукацыі. Мэта мерапрыемства- практычная адпрацоўка дзеянняў педагагічнага складу, тэхнічных работнікаў і навучэнцаў да дзеянняў ва ўмовах пажару і іншых надзвычайных і пазаштатных сітуацый. Такія мерапрыемствы праводзяцца для таго, каб у чарговы раз акцэнтаваць увагу работнікаў і навучэнцаў нашай установы на важнасці прымянення ўменняў і навыкаў у надзвычайных сітуацыях.