У рамках інфармацыйна-адукацыйнага праекта ШАГ «Радзіма мая Беларусь у асобах. Клопат аб сваім здароўі» навучэнцы 8,9,11 класаў былі запрошаны на сустрэчу з загадчыкам ФАП в.Чахец Жук С.В., якая расказала пра штодзённую нялёгкую працу фельчара. Святлана Вітальеўна ўспомніла свайго першага пацыента, падзялілася сакрэтамі сваёй працы, расказала пра якасці, якія неабходна выхоўваць, каб стаць добрасумленным медыцынскім работнікам.

ШАГ «Радзіма мая Беларусь у асобах. Адданыя справе і краіне» прайшоў 21 сакавіка для навучэнцаў 8-11 класаў. На першым этапе актуалізаваліся веды аб дзяржаўным кіраванні Рэспублікі Беларусь з дапамогай інтэрактыўнай віктарыны «Мы даведваемся». У фокусе абмеркавання: дзяржаўная ўлада ў Рэспубліцы Беларусь, правы выбаршчыка, маладзёжныя грамадскія аб’яднанні, работа Маладзёжнага парламента пры Нацыянальным сходзе Рэспублікі Беларусь, маладзёжная кадравая палітыка, праект «Школа кіравання» Акадэміі кіравання пры Прэзідэнце Рэспублікі Беларусь. Госцем мерапрыемства стала старшыня Шаняўскога сельскага Савета Бяляева І.Р., якая ў фармаце «Сто пытанняў даросламу» адказала на хвалюючыя пытанні падлеткаў, распавяла пра сваю працу, захапленні і сям’ю. Дзеці зрабілі выснову, што ад актыўнай жыццёвай пазіцыі ў грамадстве залежыць наша далейшае жыццё.

У рамках праекта «ШАГ» у 5-7 класах прайшлі класныя гадзіны па тэме «Я і мая малая Радзіма» . Дзеці разважалі аб значэнні малой радзімы ў жыцці чалавека, аб тым, што ў кожнага яна свая. Усе прыйшлі да высновы, што ў іх ёсць любімыя месцы, якія неабходна цаніць і берагчы.

Школа Актыўнага Грамадзяніна «Радзіма мая ў асобах. Захавальнікі прыгожага» (пра дзеячаў культуры і мастацтва) для старшакласнікаў прайшла з удзелам кіраўніка гуртка сольных спеваў «Вясёлыя ноткі» Шаняўскога сельскага клуба-бібліятэкі Чэчка Н.У. З мэтай актывізацыі ведаў аб культуры і мастацтве Беларусі вучні адказвалі на пытанні інтэрактыўнай віктарыны. У ходзе адкрытай размовы яны пазнаеміліся са знакамітымі дзеячамі культуры і мастацтва Беларусі. Чэчка Наталля Уладзіміраўна пазнаеміла прысутных са сваёй работай, запрасіла наведаць бібліятэку і знайсці справу па душы.

У фокусе абмеркавання былі галіны машынабудавання, нацыянальныя брэнды, экалагічныя віды транспарту; прамысловы і аграэкатурызм; сацыяльнае развіццё вёскі, гераізм сельскіх працаўнікоў, знаёмства з працаўнікамі прамысловай вытворчасці, сельскай гаспадаркі. Госцем на сустрэчы стала бухгалтар ААТ «Шані-аграпрадкукт» Уроніч А.В., якая расказала навучэнцам аб дасягненнях гаспадаркі за гэты год.

З мэтай фарміравання правільнага ўяўлення аб сям’і, сямейных каштоўнасцях і сямейных традыцыях, юнакі і дзяўчаты адгадвалі загадкі аб сямейных узаемаадносінах, працягвалі прыказкі адпаведнай тэматыкі. У падвядзенні вынікаў мерапрыемства навучэнцы падкрэслілі, што, захоўваючы нашы сямейныя каштоўнасці і традыцыі, мы захоўваем асновы грамадства.

26 кастрычніка прайшоў чарговы занятак у Школе Актыўнага Грамадзяніна «Радзіма мая Беларусь у асобах. Сям’я — пачатак усіх пачаткаў» для вучняў 8-11 класаў. З сям’і пачынаецца жыццё чалавека, тут адбываецца фарміраванне яго як асобы. Сям’я — гэта месца, дзе заўсёды зразумеюць і падтрымаюць, дапамогуць вырашыць праблемы. Дзеці з дапамогай інтэрактыўнай віктарыны «Мы ведаем» актуалізавалі веды аб ролі сям’і ў жыцці чалавека, грамадства, дзяржавы. Далей навучэнцы пазнаёміліся з сакрэтамі выхавання дзяцей у шматдзетнай сям’і Ляшчынскай Юліі Мікалаеўны і Ляшчынскага Андрэя Леанідавіча. Мерапрыемства спрыяла развіццю гендэрнай культуры вучняў, пачуцця любові да сваей сям’і і блізкіх.