Цікавімся гісторыяй сваёй Радзімы
Вучні 4 класа наведалі Свята-Мікалаеўскую царкву ў вёсцы Засімавічы, якая з’яўляецца помнікам архітэктуры пачатку XІX стагоддзя. Яны з цікавасцю слухалі гісторыю ўзнікнення храма і задавалі шмат пытанняў.
Малыя алімпійскія гульні
На пачатку лета школа переўтварылася ў сапраўдны алімпійскі гарадок. На агульнашкольнай лінейцы былі вынесены Алімпійскі агонь і сцяг. Вучні дэманстравалі свае спартыўныя эмблемы, гучалі дэвізы, крычалкі. Пасля лінейкі ўсе рушылі на стадыён. Там іх чакалі інструктары з ліку настаўнікаў і старэйшых вучняў. Спаборнічалі ў бегу на розныя дыстанцыі, кіданні мяча і гранаты, скачках у даўжыню і вышыню. Пераможцаў было шмат, і ўсе яны былі адзначаны граматамі на выніковай лінейцы.
Дні энергіі ў школе
У рамках тыдня энергазберажэння ва ўстанове прайшлі гадзіна энергазберажэння «Чалавек на планеце Зямля», пазнавальная гадзіна «Вялікая эканомія пачынаецца з малога», выступленне агітбрыгады «Светлячок», круглы стол «Эканоміі энергіі трэба вучыцца», акцыя «Чыстае возера». Усе мерапрыемствы садзейнічалі фарміраванню беражлівых адносін да энергарэсурсаў.
Падарожнічаем з карысцю
Вучні 7 класа здейснілі паход па маршруце «Шані — Вяжное — Шчарбы — Шані». У вёсцы Вяжное яны наведалі жаночы манастыр, царкву і святую крыніцу. У вёсцы Шчарбы вучні адпачылі ў аграсядзібе «Route P98».
Апошні званок
30 мая для навучэнцаў школы празвінеў апошні званок, які абвясціў аб заканчэнні навучальнага года.
Апошняя лінейка школьнага года заўсёды асаблівая, бо асаблівыя пачуцці, якія перапаўняюць і вучняў, і настаўнікаў, і бацькоў.
Лепшым вучням ад гаспадаркі былі ўручаны грашовыя прэміі, шматлікія граматы атрымалі вучні і педагогі за ўдзел у інтэлектуальных і творчых конкурсах, за перамогі ў спартыўных спаборніцтвах, а таксама пісьмы падзякі самым актыўным бацькам і настаўнікам.
ВЫПУСКНІКАМ-2019!
Увага!
У рубрыцы «Экзамены» апублікавана інфармацыя:
Будзь уважлівы
24 мая адбылася сустрэча з інспектарам ДАІ Чабатаром Д. Ю., які яшчэ раз нагадаў вучням аб правілах бяспечных паводзін на дарозе.
Радавод сустракае гасцей
18 мая ў г. Пружаны прайшоў VII адкрыты абласны фестываль фальклорнага мастацтва «Радавод». Вучні нашай школы прадставілі на выставе «Горад майстроў» вырабы дэкаратыўна-прыкладнога мастацтва ў тэхніцы «Абрэзкавае шыццё».
У намінацыі «Бабуліна кухня» былі прадстаўлены традыцыйныя народныя стравы і зборнікі рэцэптаў іх прыгатавання.
Вучні школі мелі магчымасць убачыць вырабы традыцыйных рамёстваў розных рэгіёнаў Брэсцкай вобласці, паглядзець выступленні дзіцячых калектываў мастацкай самадзейнасці Беларусі, Расіі, Польшчы, Сербіі.
Усе ўдзельнікі фестывалю атрымалі вялікае задавальненне ад свята.
Піянерамі мы сталі
Стала традыцыяй кожны год падчас свята Піянерскай дружбы прымаць у піянеры акцябрат 4 класа. Не стаў выключэннем і гэты год. Дзевяць дзяўчынак і хлопчыкаў папоўнілі піянерскую сям’ю. Да гэтага святочнага мерапрыемства дзеці рыхтаваліся даўно. Яны вывучалі піянерскі статут, слухалі і вучылі піянерскія песні былых гадоў, цікавіліся подзвігамі піянераў-герояў, рабілі добрыя справы. На зборы ва ўрачыстай абстаноўцы, у прысутнасці гасцей, вучняў, настаўнікаў, акцябратам павязалі чырвона-зялёныя гальштукі. Дзеці далі абяцанне, што будуць любіць сваю Радзіму, імкнуцца быць добрымі, сумленнымі, справядлівымі, захоўваць піянерскія традыцыі. На зборы піянеры атрымалі першыя заданні: аформіць атрадны альбом, сабраць інфармацыю пра піянера-героя, імя якога будзе насіць атрад.
Засцеражыся ад бяды
17 мая для вучняў 6 — 10 класаў была праведзена гадзіна перасцярогі «СНІД — не віна, а бяда!» Вучні ўспомнілі пра шляхі перадачы і меры прафілактыкі захворвання, а таксама пра сусветна вядомых зорак кіно і эстрады, якія загінулі ад СНІДУ.
