Чытаем разам
Цікавай і займальнай атрымалася гульня-падарожжа “Перыядычныя выданні для дзяцей”. Пачаткоўцы пазнаёміліся з сучаснымі дзіцячымі газетамі і часопісамі, падзяліліся інфармацыяй аб перыядычных выданнях, якія выпісваюць для іх бацькі.
Сцежкамі роднага краю
6 лістапада вучні 7 класа здзейснілі экскурсію па памятных месцах горада Пружаны і даведаліся шмат новага пра падзеі, якія адбываліся ў горадзе ў гады Вялікай Айчыннай вайны. Таксама яны наведалі ЗАТ «Белснабпадшыпнік» і пазнаёміліся з асартыментам яго прадукцыі.
Чысціня і парадак
Адным з важных напрамкаў выхаваўчай работы ў школе з’яўляецца захаванне гістарычнай памяці аб падзеях Вялікай Айчыннай вайны, фарміраванне ў маладых людзей павагі да ветэранаў і пачуцця гонару за сваю краіну. 5 лістапада атрадам “Міласэрнасць” праведзена аперацыя “Абеліскі”. Члены атрада разам з педагогам-арганізатарам Калядой А.Г. навялі парадак ля помнікаў нашага мікрараёна.
Мая маленькая радзіма
У суботу, 3 лістапада, вучні школы прынялі ўдзел у акцыі «Любімы вугалок — мой аграгарадок». Яны даведаліся шмат цікавага і карыснага пра сваю малую радзіму, яе гісторыю і сучаснасць.
Экскурс у гісторыю
2 лістапада вучні 5-7 класаў разам з настаўнікамі Арабей А.Я. і Жырыкавай Н.І. наведалі гісторыка-краязнаўчы музей і галерэю мастацтва г. Бяроза.
Галерэя мастацтва прапанавала цікавы экскурс як у гісторыю, так і культуру горада. Калідоры галерэі сустрэлі выставай работ мастакоў Бярозаўшчыны. Цікава і пазнавальна прайшоў час у залах картузіанскага манастыра, воінаў-інтэрнацыяналістаў, кірмашу, перыяду савецкага часу. Вучні змаглі акунуцца ў гісторыю, пазнаёміцца з традыцыямі і прадметамі побыту розных часоў, што з’яўляецца добрым стымулам для выхавання ў іх грамадзянскасці і патрыятызму.
Падарожжы па малой радзіме
На канікулах вучні 5-7 класаў наведалі Свята-Мікалаеўскую царкву ў вёсцы Засімавічы, якая з’яўляецца помнікам архітэктуры пачатку XІX стагоддзя. Вучні з цікавасцю слухалі настаяцеля царквы айца Сергія пра гісторыю храма і задавалі шмат пытанняў.
Пружанскі РАНС запрашае
З мэтай азнаямлення з асаблівасцямі работы супрацоўнікаў РАНС і фарміравання бяспечных паводзін вучняў 31 кастрычніка для пачаткоўцаў арганізавана экскурсія ў Пружанскі РАНС. Падчас экскурсіі старшы інспектар МНС Ліпко В.В. пагутарыла з дзецьмі аб правілах паводзін у экстрэмальных сітуацыях, пазнаёміла разам са сваімі калегамі з усталяваннем і работай пажарнай тэхнікі, дзе асаблівую цікавасць дзяцей выклікалі разнастайныя прыстасаванні для работы ў надзвычайных сітуацыях.
Актыў бібліятэкі прапануе…
На канікулах члены актыва бібліятэкі выканалі творчую работу па падрыхтоўцы інфармацыйнай даведкі “Пісьменнікі-юбіляры 2018-2019 года”.
Грыбныя канікулы
Падчас правядзення пазнавальнага мерапрыемства “Падарожжа да Грыба-Грыбовіча”, якое праводзілася для вучняў пачатковых класаў, дзеці адгадвалі загадкі, малявалі знаёмыя грыбы, паўтаралі правілы збору грыбоў. У канцы мерапрыемства вучні паспрабавалі знайсці грыбы самастойна.
Сувязь пакаленняў
29 кастрычніка ўсе работнікі школы прынялі ўдзел у працоўным дэсанце, прысвечаным 100-годдзю з дня ўтварэння УЛКСМ.
