Падарожжы па памятных мясцінах Пружаншчыны
Выхаванцы летніка «Дружба» наведалі памятныя мясціны Пружаншчыны. Падчас наведвання яны ўшанавалі памяць герояў, якія аддалі сваё жыццё дзеля міру на роднай зямлі, хвілінай маўчання.
Умелыя рукi не ведаюць суму
Дзеці прышкольнага аздараўленчага лагера “Дружба” наведалі мясцовую майстрыху Фурсовіч Надзею Леанідаўну і пазнаёміліся з яе вышыўкамі. Прыгожыя ручнікі і сурвэткі вельмі спадабаліся дзецям. Надзея Леанідаўна расказала і паказала, як з-пад яе ўмелых рук выходзіць такі цудоўны выраб. Дзеці захапіліся не толькі прыгажосцю ўзораў на ручніках, але і прыгажосцю кветак каля дома.
МНС папярэджвае
15 чэрвеня выхаванцы аздараўленчага лагера пабывалі на ўроку бяспекі, які быў праведзены работнікамі Пружанскага РАНС. Змястоўная гутарка перарасла ў зацікаўлены дыялог інспектара РАНС з вучнямі па праблеме пажарнай бяспекі. Асаблівую цікавасць дзяцей выклікала тэхніка: сучасная пажарная машына і разнастайныя прыстасаванні для работы ў надзвычайных сітуацыях.
14 чэрвеня выхаванцы лагера здзейснілі экскурсію ў г. Пружаны. Яны наведалі музей-сядзібу «Пружанскі Палацык» і Палац культуры, дзе для дзяцей была арганізавана святочная забаўляльная праграма. У рамках свята дзеці мелі магчымасць паглядзець выставу студыі ДПМ “Шклянка-маляванка” і выставу работ народнага майстра Беларусі Марыі Кулецкай. Удзельнікі конкурснай праграмы атрымалі падарункі.
Экскурсія ў Брэст
13 чэрвеня выхаванцы летніка «Дружба» пабывалі на экскурсіі ў г. Брэсце. Яны наведалі Брэсцкую крэпасць, музей «Бярэсце» і многа іншых цікавых месцаў.
Заняткі па інтарэсах
Выхаванцы прышкольнага лагера «Дружба» знаходзяць занятак сабе па душы.
Да новых сустрэч
12 чэрвеня пасведчанне аб агульнай базавай адукацыі атрымалі 13 вучняў 9 класа. Жадаем поспехаў!
Сустрэча з бібліятэкарам
У лагеры цікавыя мерапрыемствы праводзіць бібліятэкар сельскага клуба Чэчка Н. У.
