Шаняўская сярэдняя школа імя Міколы Засіма

аддзела па адукацыі Пружанскага райвыканкама

 

 

Беларусь Библиотечная
Книга Беларуси XIV-XVIII веков
Могилевский институт МВД Республики Беларусь

Архивы

Яндекс.Метрика

В целях оперативного обеспечения участников образовательного процесса актуальной информацией о возможностях профессионального самоопределения учащихся и оказания информационной поддержки учащимся учреждений общего среднего образования в вопросах выбора сферы будущей профессиональной деятельности учреждением образования «Республиканский институт профессионального образования» разработан интерактивный путеводитель по системе профессионального образования в Республике Беларусь, который доступен по ссылке http://ripo.unibel.by/map/.

З 3 чэрвеня ў школе адчыніў свае дзверы аздараўленчы лагер «Дружба». Аздараўленчая кампанія ў гэтым годзе праходзіць пад дэвізам “Лета на здароўе”.

Празвінеў апошні званок

30 мая ў школе празвінеў апошні званок — сімвал заканчэння выдатнай школьнай пары для выпускнікоў 11 класа. У гэтым годзе школа выпускае 9 вучняў. Урачыстае віншаванне дырэктара А. М. Ярмашэвіч, пажаданні настаўнікаў, кранальныя прамовы бацькоў і словы ў адказ не менш усхваляваных выпускнікоў закранулі ўсіх прысутных.

Мы жадаем нашым выпускнікам поспехаў у вучобе і працы, чыстага неба, яркага сонца, добрага настрою! Мы верым, што школа заўсёды будзе для іх родным домам!

Піянер — значыць першы

22 мая вучні 4 класа папоўнілі рады ГА «БРПА»

Дзень сям’і

15 мая старшакласнікі сабраліся за круглым сталом, каб абмеркаваць, якой яны бачаць сваю будучую сям’ю. Разам з педагогам сацыяльным вучні знаходзілі матывы, па якіх маладыя людзі ўступаюць у шлюб, назвалі ўмовы, пры якіх не можа існаваць сям’я.

Памяць будзе жыць

Урачысты мітынг-рэквіем «Памяць будзе жыць вечна», у якім прынялі ўдзел вучні 11 класа і адміністрацыя школы, на пярэдадні Дня Перамогі адбыўся ля помніка ахвярам фашызму ў аграгарадку Шані.

З вуснаў маладых людзей гучалі пранікнёныя словы ўдзячнасці героям, якія прынеслі Перамогу нашай Радзіме.

Прагучалі таксама прозвішчы 215 нашых землякоў, якія загінулі на франтах, былі закатаваны фашыстамі: іх памяць прысутныя ўшанавалі хвілінай маўчання.

Да помніка былі ўскладзены вянкі і кветкі.

З песнямі гераічнай пары

Напярэдадні свята Перамогі ў 3 класе прайшла гадзіна музыкі і паэзіі “А песня ходзіць на вайну”. Вучні мелі магчымасць пазнаёміцца з песнямі ваенных гадоў і гісторыяй іх стварэння. З цікавасцю пачаткоўцы слухалі і напявалі знаёмыя кожнаму пакаленню мелодыі, якія у часы крывавай вайны дапамагалі ісці ў бой і перажываць растанне з блізкімі, сагравалі сэрцы і ўсялялі надзею. Са школьнага кабінета гадзіна музыкі і паэзіі перамясцілася да помніка ахвярам фашызму, дзе пад гукі песні “Дзень Перамогі” дзеці ўсклалі кветкі.

Фестываль-конкурс «Вянок славы»

У школе завяршыўся этап рэспубліканскага фестывалю-конкурсу мастацкай творчасці дзяцей і моладзі «Вянок славы», прысвечаны 75-годдзю Вялікай Перамогі ў Вялікай Айчыннай вайне. Фестываль-конкурс праводзіўся з мэтай садзейнічання грамадзянска-патрыятычнаму і духоўна-маральнаму выхаванню падрастаючага пакалення.
Вучнямі 7 — 9 класаў школы ў рамках фестывалю-конкурсу быў выраблены вянок, які 7 мая ва ўрачыстай абстаноўцы ўскладзены да помніка ахвярам фашызму ў аграгарадку Шані. Памяць загінуўшых вучні ўшанавалі хвілінай маўчання.

Пакуль жывыя ветэраны

На сёняшні дзень у мікрараёне школы пражывае толькі адзін ветэран Вялікай Айчыннай вайны. Марыя Аляксандраўна Бабрук жыве ў в. Шубічы, дзе і сустрэла маладой дзяўчынай ваеннае ліхалецце. Вучні школы – пастаянныя госці Марыі Аляксандраўны. Вось і зараз на пярэдадні 9 Мая васьмікласнікі разам са сваім класным кіраўніком В. М. Граб завіталі да Марыі Аляксандраўны з віншаваннямі. А ўдзячная жанчына расказала дзецям пра фашысцкія “парадкі” ля Пружаншчыны, пра той час, калі яна разам з другімі аднавяскоўцамі была вывезена на прымусовыя работы ў Германію, пра радасць даўгачаканага вяртання. Дзеці з вялікай цікаўнасцю слухалі аповед жанчыны.
Яшчэ адна цікавая размова атрымалася ў доме Бабрук Ніны Антонаўны, якая жыве ў Шанях. На жаль, у час вайны яна стала малалетнім вязнем. Са слязамі на вачах жанчына расказвала аб драматычных абставінах свайго жыцця ў час вайны. Дзеці выказалі шмат слоў удзячнасці ў адрас Ніны Антонаўны і павіншавалі з 75-годдзем Перамогі.

Ствараем каляндар Перамогі

Урачыстасць і асаблівую атмасферу ўзнесласці мерапрыемству “Каляндар Перамогі”, у якім прынялі ўдзел вучні 11 класа, надало выкананне імі песні “Вечны агонь”. Работа з гістарычнымі крыніцамі, прагляд дакументальнай хронікі, успаміны непасрэдных удзельнікаў тых гераічных
падзей далі магчымасць вучням скласці каляндар Перамогі. Асобныя яго старонкі выпускнікі прысвяцілі падзеям на Пружаншчыне.