Выхаванцы летніка сёння прынялі удзел у наступных мерапрыемствах: турнір знаўцаў прафесій «Шмат прафесій добрых і розных», малая спартакіяда пад дэвізам «Мы за здаровы лад жыцця». Падчас спартакіяды выхоўвалася пачуццё ўзаемадапамогі, падтрымкі, адказнасці, самастойнасці. Усе ўдзельнікі весела і з карысцю правялі час, атрымалі зарад станоўчых эмоцый і бадзёрасці, умацавалі здароўе.  Навучэнцы наведалі адміністрацыйны будынак ААТ «Шані-аграпрадукт». Экскурсію-знаёмства «Працай мы славім край родны» для рабят правяла спецыяліст па ідэалагічнай рабоце Покала А.А.

     9 чэрвеня выхаванцы летніка адправіліся на экалагічную прагулку-заданне «Беражы і ахоўвай наш зялёны дзівосны край!». Рабяты прынялі ўдзел ў віктарыне «Прыгажосць беларускай прыроды», гульні-практыкум «Чароўныя шышкі». Дзень атрымаўся вельмі насычаным і цікавым!

     Кожны дзень у нашым прышкольным аздараўленчым лагеры «Дружба» напоўнены смехам, радасцю і новымі адкрыццямі. 6 чэрвеня выхаванцам былі прапанаваны наступныя мерапрыемствы: гадзіна творчасці «Хай заўсёды будзе мір», гульня «Поле цудаў», спартыўная эстафета «Марыце! Стварайце! Дзейнічайце!». Лета ў лагеры — гэта час, які застанецца ў памяці надоўга!

Пад такім дэвізам выхаванцы летніка правялі чарговы дзень. Экскурсія ў Ружанскі палац для правядзення квэст-гульні па пасёлку Ружаны адбылася з мэтай знаёмства з гісторыяй і славутасцямі ў рамках рэспубліканскай акцыі “ВАНДРУЙ! АДЧУЙ! НАТХНЯЙСЯ!”. Ключавой славутасцю Ружан, за кошт якой гэты пасёлак і набыў такую шырокую вядомасць, з’яўляюцца руіны палацавага комплексу Сапегаў. Ружанскі манастыр базыліян і царква Святога Пятра і Паўла — унікальны архітэктурны комплекс у горадзе Ружаны Брэсцкай вобласці, заснаваны ў XVII стагоддзі. На сённяшні дзень царква ў горадзе Ружаны функцыянуе, знаходзіцца ў выдатным стане і з’яўляецца цікавай славутасцю і архітэктурным помнікам Беларусі. Іншай важнай славутасцю Ружан з’яўляецца яшчэ адзін храм, а менавіта касцёл Святой Тройцы. Касцёл і царква ў Ружанах фарміруюць вельмі характэрны і традыцыйны для Беларусі архітэктурны ансамбль гістарычнай забудовы цэнтральнай часткі горада. Яркія цікавыя ўражанні атрымалі дзеці ад такога падарожжа. Ну і які лагер без рухомых гульняў на свежым паветры?

Прыйшло доўгачаканае лета з ласкавым сонейкам, зелянінай траў і палітрай прыгожых кветак. Цёплымі вечарамі можна таксама знайсці справу па душы і інтарэсах. Гадзіна творчасці «Час яркіх ідэй» з удзелам загадчыка Шаняўскога сельскага клуба-бібліятэкі Кабрынец Т. Ф. запрасіла аматараў вырабаў сваімі рукамі на майстар-клас па майстраванні паштоўкі з розных матэрыялаў. Крэатыўныя рэчы можна падараваць сяброўкам альбо знаемым. Актывісты ГА БРСМ І БРПА сабраліся разам на акцыю «Эстафета карысных спраў» да Міжнароднага дня абароны навакольнага асяроддзя і прыбралі тэрыторыю вакол гульневай пляцоўкі і школы. Разам зрабіць прыгажосць так хутка і легка!

У трэці дзень у летніку дзеці ўспаміналі летнія святы і абрады беларусаў, разгадвалі “Сакрэты беларускай кухні”, праводзілі прэзентацыю “Народныя промыслы Беларусі”, а піянеры навялі парадак каля помніка ахвярам фашызму. У рамках рэспубліканскай акцыі “Памяць удзячных сэрцаў”, прысвечанай 80-годдзю Вялікай Перамогі, вучні арганізавалі экскурсію да помніка і ўшанавалі памяць загінулых мінутай маўчання.

Захоўваем традыцыі народа, шануем памяць герояў вайны!