У рамках рэспубліканскай акцыі “Гэта павінен бачыць кожны беларус” педагогі і вучні школы 21 красавіка мелі магчымасць убачыць фільм “Лагеры смерці” і “Спаленыя вёскі”. Кінастужкі — сумесная праца Генеральнай пракуратуры і Нацыянальнай кінастудыі «Беларусьфільм». У аснове сюжэту — матэрыялы расследавання крымінальнай справы аб генацыдзе беларускага народа.Фільм “Спаленыя вёскі” распавядае пра трагічны лёс беларускіх вёсак, знішчаных нямецка-фашысцкімі захопнікамі ў гады Вялікай Айчыннай вайны. Гледачу раскрываецца ўся тая жахлівая праўда пра палітыку» выпаленай зямлі», якая праводзіцца нацыстамі на акупаванай тэрыторыі Беларусі, і яе бязлітасных наступствах для мірнага насельніцтва. Фільм акцэнтуе ўвагу на мужнасці і стойкасці беларускага народа перад тварам вайны, а таксама на неабходнасці захаваць памяць аб тых трагічных падзеях для будучых пакаленняў.

11 красавіка — Міжнародны дзень вызвалення вязняў фашысцкіх канцлагераў. Гэтая дата ўстаноўлена ў гонар падзей 1945 года, калі войскі саюзнікаў вызвалілі зняволеных Бухенвальда і іншых лагераў смерці. На тэрыторыі Беларусі ў гады Вялікай Айчыннай вайны дзейнічала больш за 580 месцаў прымусовага ўтрымання, сярод якіх — сумна вядомыя Трасцянец, Азарычы і Калдычэва. У гэты дзень вучні школы ўшанавалі памяць загінуўшых і выказалі глыбокую павагу тым, хто выжыў, праявіўшы неверагодную сілу духу. Іх гісторыі — гэта напамін пра тое, як важна берагчы мір і не дапускаць паўтарэння такіх трагедый. Памяць аб ахвярах канцлагераў павінна жыць у сэрцах будучых пакаленняў, каб падобнае ніколі не паўтарылася.