З 7 па 11 красавіка ў школе прайшоў тыдзень хіміі. Вучняў 7 класа прысвяцілі ў хімікі. Відэапрагляд “Хімічная прамысловасць у Рэспубліцы Беларусь” быў карысны для вучняў 8-10 класаў і расказаў аб вырабах з разнастайных хімічных злучэнняў. Даспадобы прыйшліся вучням інтэлектуальны марафон і квэст-гульня па хіміі. На выставе “Хімія на службе чалавека” можна было ўбачыць патрэбныя ўсім мыйныя, касметычныя, парфумерныя і чысцячыя сродкі. Завяршыўся тыдзень прэзентацыяй “Хімія вакол нас”, дзе ў цікавай форме настаўнік Жэдзік Г.М. прадэманстравала вопыты і магмымасці такой шматграннай навукі – хіміі.

З 10 па 15 сакавіка 2025 года ва ўстанове адукацыі прайшоў Тыдзень педагагічнага майстэрства, у ходзе якога настаўнікі школы правялі ўрокі з выкарыстаннем разнастайных педагагічных педагагічных тэхналогій. Настаўнік матэматыкі Менжынская Г.А. падзялілася вопытам рашэння практыка-арыентаваных задач з вучнямі 9 класа. Настаўнік пачатковых класаў Коверзнева І.М. правяла ўрок у 3 класе па тэме «Жывёлы — насельнікі мораў і акіянаў» з выкарыстаннем інфармацыйна-камунікатыўнай тэхналогіі і стварэннем праблемных сітуацый. Настаўнік гісторыі Пекун Н.А., праводзячы ўрок па сусветнай гісторыі ў 5 класе, паказала навыкі самастойнай работы з падручнікам, табліцай і гістарычнай картай.

Завяршаючым акордам тыдня педагагічнага майстэрства стаў семінар-практыкум для педагогаў установы адукацыі “Педагагічная кампетэнтнасць настаўніка, яе роля ў фарміраванні творчага і інтэлектуальнага патэнцыялу дзіцяці”, на якім з дапамогай інтэрактыўных практык педагогі стварылі мадэль педагагічнай кампетэнтнасці настаўніка, назвалі асноўныя паказчыкі і крытэрыі паспяховасці як педагога, так і вучня. Семінар садзейнічаў павышэнню прафесійных кампетэнцый настаўніка і быў эфектыўным сродкам пазнання новай інфармацыі ў рабоце педагогаў.

З 11 па 15 сакавіка 2024 года ва ўстанове адукацыі прайшоў тыдзень педагагічнага майстэрства, у ходзе якога вопытныя педагогі правялі для калег урокі па розных прадметах. Настаўнік вышэйшай кваліфікацыйнай катэгорыі Семянчук В.М. прапанавала ўвазе педагогаў урок у 6 класе па матэматыцы, настаўнік вышэйшай кваліфікацыйнай катэгорыі Тарасава М.Б. – урок у 3 класе па беларускай літаратуры, настаўнік вышэйшай кваліфікацыйнай катэгорыі Жырыкава Н.І. – урок у 4 класе па нямецкай мове, а настаўнік вышэйшай кваліфікацыйнай катэгорыі Коверзнева І.М. падзялілася вопытам правядзення ўрока матэматыкі ў 2 класе. Урокі атрымаліся яркімі, запамінальнымі, змяшчалі шмат нагляднага матэрыялу і даступныя для вучняў заданні. Прысутныя адзначылі прафесіяналізм і метадычную граматнасць у пабудове ўрокаў, даступнасць і разнастайныя формы і метады работы калег.

16 снежня  педагогі ўстановы адукацыі прынялі ўдзел у майстар-класе настаўніцы пачатковых класаў Коверзневай І.М. па тэме  “А я выкарыстоўваю сучасныя сродкі візуалізацыі так”. Ірына Міхайлаўна пазнаёміла прысутных з разнастайнымі сродкамі візуалізацыі вучэбнай інфармацыі і дала шэраг парад па іх выкарыстанні. Кожны ўдзельнік майстар-класа атрымаў памятку “Сучасныя сродкі візуалізацыі інфармацыі”.

18 лістапада педагогі ўстановы адукацыі прынялі ўдзел у дыстанцыйнай гульні “Я – педагог”. Усе педагогі з лёгкасцю прайшлі тры этапы выпрабаванняў: мазгавы штурм, я ведаю, педагагічная мазаіка. Самым лёгкім для ўдзельнікаў гульні быў этап “Мазгавы штурм”, а самым складаным – педагічная мазаіка, на якім неабходна было адказваць на пытанні па разнастайным педагагічным тэхналогіям. Усе удзельнікі гульні справіліся з заданнямі і паказалі высокі ўзровень прафесійнага майстэрства.

Каб быць паспяховым і запатрабаваным, настаўнік павінен вучыцца ўсё жыццё. Удасканаліць прафесійныя навыкі, павысіць матывацыю да самаразвіцця, стымуляваць творчую дзейнасць дапамагае метадычная работа. У нашай установе адукацыі яна з’яўляецца важнай часткай сістэмы павышэння кваліфікацыі кадраў.  Семінар-практыкум — адна з самых цікавых форм метадычнай работы.  31 кастрычніка педагогі ўстановы мелі магчымасць прыняць удзел у семінары-практыкуме «Выкарыстанне сервісаў Google для павышэння эфектыўнасці навучання». Сваімі напрацоўкамі ў гэтым напрамку дзейнасці з калегамі дзялілася намеснік дырэктара па вучэбна-выхаваўчай рабоце Граб В.М.

30 кастрычніка ў школе прайшоў педагагічны кансіліум «Камфортнае навучанне — умова паспяховай адаптацыі», на якім педагогі абмеркавалі працэс адаптацыі вучняў 5 класа да навучання на другой ступені агульнай сярэдняй адукацыі і выпрацавалі рэкамендацыі па рабоце з вучнямі ў адаптацыйны перыяд.