У ходзе Адзінага ўрока, прысвечанага Дню Канстытуцыі,  вучні старэйшых класаў ўспомнілі артыкулы Канстытуцыі Рэспублікі Беларусь і паспрабавалі звязаць іх з уласным жыццёвым вопытам. На занятку дзецям  было прапанавана разгадаць тэматычную крыжаванку, прагледзець відэасюжэт «Канстытуцыя Рэспублікі Беларусь», створаны Нацыянальным цэнтрам заканадаўства і прававой інфармацыі. Асноўнымі змястоўнымі лініямі сталі структура і змест Канстытуцыі, правы і абавязкі грамадзян краіны, а таксама змяненні і дапаўненні Канстытуцыі, унесеныя па выніках рэспубліканскага рэферэндуму 2022 года. Разважаючы над гэтымі пытаннямі, дзеці прыйшлі да высновы пра важнасць Канстытуцыі для забеспячэння раўнапраўя грамадзян і ўсеагульнай неабходнасці яе захавання для забеспячэння парадку і законнасці ў дзяржаве.

Вучні пачатковых класаў сталі ўдзельнікамі Адзінага ўрока, прысвечанага Дню Канстытуцыі. Мэтай Адзінага ўрока з’яўляецца фарміраванне ў вучняў актыўнай грамадзянскай пазіцыі на аснове разумення сутнасці і значэння Канстытуцыі Беларусі, гатоўнасці свядома выконваць грамадзянскія абавязкі. Асноўны этап урока сканструяваны на аснове прэзентацыі «Канстытуцыя — асноўны закон Рэспублікі Беларусь». Вучні абмяркоўвалі правы і абавязкі грамадзян краіны, раздзелы Канстытуцыі. Урок спрыяў развіццю грамадзянскасці і патрыятызму ў вучняў, любові да Радзімы і яе сімвалам.

    З мэтай папулярызацыі сярод моладзі дзяржаўнай сімволікі  праходзіў раённы фотаконкурс «Сцяг Перамогі – радасці сцяг!», прымеркаваны да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Віншуем Міранюк Насцю і Шаламіцкую Паліну з перамогай у конкурсе!

12 мая 2024 года — Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь. Дзяржаўная сімволіка з’яўляецца часткай гісторыі і культуры краіны. Любоў да сваёй Радзімы, разуменне непаўторнасці і багацця культурных традыцый адыгрывае вялікую ролю ў станаўленні асобы дзіцяці. Немагчыма выхаваць у дзяцей пачуцці ўласнай годнасці і ўпэўненасці ў сабе без павагі да гісторыі сваёй Айчыны. Напярэдадні гэтага ўрачыстага дня ў ДУА «Шаняўская сярэдняя школа імя Міколы Засіма» быў арганізаваны фотачэлендж «Сімвалы маёй краіны». Нашы школьнікі выбіралі самыя розныя лакацыі і нечаканыя творчыя рашэнні, але на ўсіх фота адна агульная ідэя — я грамадзянін сваёй краіны і я з асаблівай павагай стаўлюся да сваёй дзяржаўнай сімволікі!

Урачыстая лінейка «Пад флагам Беларусі мы адзіныя», прысвечаная Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь, адбылася 10 мая ў ДУА «Шаняўская сярэдняя школа імя Міколы Засіма». У ходзе лінейкі навучэнцы ўспомнілі пра гісторыю станаўлення дзяржаўнай сімволікі краіны, значэнне асобных элементаў дзяржаўных сімвалаў. Сучасныя герб, сцяг і гімн аб’ядноўваюць лёсы розных пакаленняў беларусаў, увасабляюць у сабе шматвяковы вопыт дзяржаўнага будаўніцтва, з’яўляюцца арыенцірам на будучыню роднай краіны — мірнай, моцнай і суверэннай.

З мэтай фарміравання ўяўленняў аб гістарычных і культурных сувязях Беларусі і Расіі, захавання агульных гістарычных каштоўнасцей,  усведамленню вучнямі каштоўнасці дружбы паміж народамі Беларусі і Расіі,  ва ўсіх установах агульнай сярэдняй адукацыі 2 красавіка 2024 года ва ўсіх класах былі праведзены адзіныя ўрокі, прысвечаныя Дню яднання народаў Беларусі і Расіі.

2 красавіка — Дзень яднання адзначаюць народы двух братэрскіх славянскіх дзяржаў – Рэспублікі Беларусь і Расійскай Федэрацыі. У час мерапрыемстваў вучні ўспомнілі гісторыю стварэння свята, пагаварылі аб яго важнасці і значэнні для двух брацкіх народаў, аб сяброўскіх адносінах паміж імі. Дзень яднання народаў Беларусі і Расіі абапіраецца на памяць і вопыт беларусаў і расіян і ў той жа час накіраваны ў будучае, сімвалізуючы надзею, што нашы народы ніколі не парвуць сваіх брацкіх сувязей.

Традыцыйна першы навучальны дзень чвэрці ў нашай установе адукацыі пачаўся з урачыстай лінейкі, з вынасам сцяга і выкананнем дзяржаўнага гімна Рэспублікі Беларусь. Вучням уручылі дыпломы за перамогі ў конкурсах,  павіншавалі з пачаткам новай вучэбнай чвэрці, пажадалі добрых адзнак, новых перамог і творчых поспехаў. Таксама агучаны планы і задачы, абазначаны галоўныя падзеі, якія чакаюць хлопчыкаў і дзяўчынак у чацвёртай чвэрці навучальнага года.