29 снежня самыя актыўныя члены ГА «БРПА» нашай школы Бульц Дар’я і Страдомскі Кірыл наведалі навагоднюю ёлку ў ЦТДМ г. Пружаны.

 Вясёлы, прыгожы і светлы навагодні ранішнік прайшоў ў нашай школе.

   Дзякуючы старанням вучням 5 — 6 класаў (пад кіраўніцтвам педагога-арганізатара Каляды А. Г.), на ранішніку была разыграна сапраўдная казка, героямі якой сталі не толькі Дзед Мароз і Снягурачка, але і Маша, Мядзведзь, Бураціна, Мальвіна, Беласнежка, Кот, Чырвоная шапачка …

   26 снежня вучняў пачатковых класаў запрасілі ў майстэрню Матухны-Зімы. З паперы пачаткоўцы выраблялі ўпрыгожванні для навагодняй ёлачкі.

   Субота, 19 снежня, была прысвечана сям’і. Вучні пачатковых класаў сабраліся на ранішнік “Свята браціка і сястрычкі”. Навучэнцы 5 — 7 класаў выпусцілі газету на тэму “Мая сям’я – мой гонар”. А педагог-арганізатар падрыхтавала і правяла для пачаткоўцаў беларускія народныя гульні.

   24 снежня 2015 года ў 14.00 лепшых дзяцей Пружанскага раёна і іх бацькоў чакаюць у Гарадскім Палацы культуры для ўдзелу ў цырымоніі «Дараванне — 2015» .

У 16.30 адбудзецца раённае свята запальвання навагодняй ёлкі.

   18 снежня вучні 1 — 7 класаў сустрэліся з інспектарам ДАІ Патапчуком В. І.  У ходзе гутаркі навучэнцам нагадалі правілы пераходу праезжай часткі, карыстання флікерам, катання на веласіпедзе.

   15 снежня на базе нашай навучальнай установы было праведзена пасяджэнне вучэбна-метадычнага фарміравання дырэктараў школ раёна.

   Па добрай традыцыі гасцей прывітальнымі словамі сустракалі вучні.

  Вялікую цікавасць выклікала прэзентацыя школы. Дырэктар нашай установы адукацыі А. М. Ярмашэвіч правяла педагагічную майстэрню «Забеспячэнне эфектыўнага кіраўніцтва ўстановай адукацыі праз сістэму ўнутранага кантролю».

   У ходзе майстэрні не толькі быў прадстаўлены вопыт школы ў названым накірунку, але і арганізавана актыўная практычная дзейнасць усіх удзельнікаў пасяджэння, якім неабходна было скласці праграму наведвання ўрока па канкрэтнай тэме і, наведаўшы ўрок, правесці яго аспектны аналіз, выпрацаваць рэкамендацыі па ўдасканаленні ўрока.

   Для наведвання былі прапанаваны ўрок беларускай мовы ў 2 класе (настаўнік вышэйшай катэгорыі Коверзнева І.М.), урок нямецкай мовы ў 5 класе (настаўнік I катэгорыі Жырыкава Н.І.), урок матэматыкі ў 6 класе (настаўнік вышэйшай катэгорыі Менжынская Г.А.), інфармацыйная гадзіна ў 7 класе (класны кіраўнік Вашчук А.В.). Наведаныя ўрокі і мерапрыемствы атрымалі добрую ацэнку з боку кіраўнікоў школ. Станоўчыя эмоцыі гасцей выклікала пераднавагодняе афармленне школы.

   Добрай традыцыяй у школе стала правядзенне дзён творчасці «Навагодні калейдаскоп». Вынікам такога дня ў гэтым годзе стала выстава «Навагодняя казка», упрыгожаныя каляднымі вянкамі дзверы кабінетаў, карціны-выцінанкі і лёгкія фіранкі са сняжынак на школьных вокнах.

   А ўваход у школу аздобілі кампазіцыі з галінак сасны і елкі, ля пандуса «выраслі» ялінкі-прыгажуні. У падрыхтоўцы школы да свята прынялі ўдзел не толькі вучні і настаўнікі, а і тэхнічны персанал, а таксама бацькі вучняў.

   12 снежня ў нашай школе праходзіў Дзень здароўя, прысвечаны зімовым юнацкім Алімпійскім гульням у Ліліхамеры. Вучні актыўна ўдзельнічалі ў спартландыі, у якой яны паказалі свае спартыўныя здольнасці і таварыскія якасці. Акрамя гэтага, дзеці паўдзельнічалі ў віктарыне аб Алімпійскіх гульнях. Ва ўсіх вучняў захаваўся добры настрой на ўвесь дзень.