З 7 па 12 снежня ў школе прайшоў Тыдзень прававых ведаў для вучняў 1-10 класаў. У ходзе праведзеных мерапрыемстваў  дзеці паглыбілі свае веды аб правах чалавека, каштоўнасцях чалавечага жыцця, развілі  навыкі  правамерных паводзін, адказнасць за свае паводзіны на аснове ведаў сваіх правоў і абавязкаў.

   Усе школьнікі прынялі актыўны ўдзел у практычных занятках, гульнях, дыскусіях, тэматычных інфармацыйных гадзінах. Тыдзень прававых ведаў быў змястоўны і выніковы. Вучні набылі вопыт, які ім неабходны ў сацыяльна значнай дзейнасці ў цяперашнім і будучым жыцці.

   У суботу, 5 снежня, вучняў школы запрасілі на мерапрыемствы, прысвечаныя праблеме ўжывання і прафілактыкі шкодных звычак.

   Вучні 1 — 4 класаў наведалі практыкум “Умей сказаць не!”. Навучэнцы 5 — 7 класаў выпусцілі газету “Шкодным звычкам – не!”. Старшакласнікам давялося паспаборнічаць у гульні “Мы за здаровы лад жыцця”.

   Днямі ў школе адбылася сустрэча з інспектарам ІСН Анур’евым Я. В., у ходзе якой былі абмеркаваны пытанні прававой адказнасці непаўналетніх, у тым ліку за парушэнне правілаў дарожнага руху. Праведзены індывідуальныя гутаркі з вучнямі.

   У межах правядзення Тыдня здаровага ладу жыцця  педагогам сацыяльным Якімавец С.А. праведзены адкрыты дыялог “У будучыню без СНІДу” з вучнямі 8-10 класаў, мэтай якога стала паглыбленне ведаў навучэнцаў аб узнікненні і прыродзе віруса ВІЧ. Вучні гаварылі аб магчымых шляхах заражэння ВІЧ і прафілактыцы СНІДу, дзяліліся  сваімі меркаваннямі, як можна дапамагчы хворым людзям, стваралі рэкламу “Лякарства супраць СНІДу”.

   Мерапрыемства спрыяла магчымасці  фарміраваць свядомыя і адказныя адносіны старшакласнікаў да асабістай бяспекі і бяспекі блізкіх людзей.

   1 снежня ў   школе прайшла літаратурная вечарына «Зямля пад белымі крыламі», прысвечаная юбілею   У. Караткевіча. Вучні мелі магчымасць яшчэ раз прайсці дарогамі пісьменніка, прачытаць яго вершы, пазнаёміцца з жыццём яго твораў (кніжным, сцэнічным).

   У рамках Сусветнай кампаніі супраць СНІДу і Сусветнага дня прафілактыкі СНІДу 1 снежня ў школе прайшлі тэматычныя інфармацыйныя гадзіны. Вучні пазнаёміліся з хваробамі — ворагамі чалавецтва, прафілактычнымі мерамі, якія дапамогуць зберагчы сваё здароўе.

30.11 – 05.11. 2015 года

  30 лістапада вучні 3 — 4 класаў наведалі гадзіну асветы “СНІД – хвароба стагоддзя”, прымеркаваную да Міжнароднага дня барацьбы са СНІДам. У ходзе гадзіны вучні шмат атрымалі карыснай і пазнаваўчай інфармацыі, паўдзельнічалі ў віктарыне.

Поўным ходам ідзе падрыхтоўка да ўдзелу ў раённай алімпіядзе па працоўным навучанні.

   У суботу, 28 лістапада, у нашай школе прайшоў дзень творчасці. Вучні разам са сваімі класнымі кіраўнікамі займаліся творчымі справамі: выразалі ёлкі, гатавалі ёлачныя цацкі, упрыгожвалі вокны школьнага карыдора і класаў.