Калектыў ДУА “Шаняўская СШ імя М.Засіма” далучыўся да рэспубліканскага суботніка, які прайшоў 12 красавіка па ўсёй краіне, і навёў парадак на месцы гібелі генерала-маёра Б.Бахарава, ля помніка дыслакацыі патрызанскага атрада імя В.Чкалава, ля памятнага знака дзеячу культуры Р.Шырме, высадзілі прыгожыя кветкі, прыбралі смецце. Памяць аб гераізме нашых землякоў будзе жыць заўжды!
Спартыўна-патрыятычная гульня “Зарнічка-2025” для вучняў малодшых класаў прайшла 12 красавіка на базе ДУА “СШ №5 г.Пружаны”. Наша каманда “Зорачка” у складзе 6 хлопчыкаў і 4 дзяўчынак прыняла актыўны ўдзел. Яскравымі і запамінальнымі сталі конкурсы строю і песні, кідання “гранат”, прабіранне праз “павуціну”, прыжкі на “балоце”, поўзанне па-пластунску праз “дрот”, а яшчэ квіз і інтэлектуальны конкурс. Дзеці атрымалі зарад станоўчых эмоцый, бадзёрасці і задавальнення.
З 7 па 11 красавіка ў школе прайшоў тыдзень хіміі. Вучняў 7 класа прысвяцілі ў хімікі. Відэапрагляд “Хімічная прамысловасць у Рэспубліцы Беларусь” быў карысны для вучняў 8-10 класаў і расказаў аб вырабах з разнастайных хімічных злучэнняў. Даспадобы прыйшліся вучням інтэлектуальны марафон і квэст-гульня па хіміі. На выставе “Хімія на службе чалавека” можна было ўбачыць патрэбныя ўсім мыйныя, касметычныя, парфумерныя і чысцячыя сродкі. Завяршыўся тыдзень прэзентацыяй “Хімія вакол нас”, дзе ў цікавай форме настаўнік Жэдзік Г.М. прадэманстравала вопыты і магмымасці такой шматграннай навукі – хіміі.
11 красавіка — Міжнародны дзень вызвалення вязняў фашысцкіх канцлагераў. Гэтая дата ўстаноўлена ў гонар падзей 1945 года, калі войскі саюзнікаў вызвалілі зняволеных Бухенвальда і іншых лагераў смерці. На тэрыторыі Беларусі ў гады Вялікай Айчыннай вайны дзейнічала больш за 580 месцаў прымусовага ўтрымання, сярод якіх — сумна вядомыя Трасцянец, Азарычы і Калдычэва. У гэты дзень вучні школы ўшанавалі памяць загінуўшых і выказалі глыбокую павагу тым, хто выжыў, праявіўшы неверагодную сілу духу. Іх гісторыі — гэта напамін пра тое, як важна берагчы мір і не дапускаць паўтарэння такіх трагедый. Памяць аб ахвярах канцлагераў павінна жыць у сэрцах будучых пакаленняў, каб падобнае ніколі не паўтарылася.
З лістапада 2024 года па лістапад 2025 года праходзіць рэспубліканскі агляд-конкурс садовых прышкольных участкаў «Сады міру і дабрыні». У рамках рэалізацыі дадзенага праекта вясной была праведзена абрэзка дрэў, апрацоўка сада ад шкоднікаў, падкормка дрэўцаў угнаеннямі, пабелка дрэў. Члены ГА БРПА І БРСМ былі актыўнымі ўдзельнікамі рэалізацыі праекта.
У рамках Месячніка па фарміраванні пазітыўна-арыентаванай асобы вучні 2 класа праявілі свае творчыя здольнасці ў стварэнні сваіх ідэй на паперы «Што такое дружная сям’я?». Маленькія школьнікі шукалі рэцэпт шчаслівай сям’і. А вучні 8 класа на гадзіне павагі «Вучымся паважаць іншых людзей» шукалі аптымальныя і эфектыўныя шляхі будавання зносін з іншымі людзьмі.
10 красавіка адбыўся сход працоўнага калектыву на тэму «Аб супрацьдзеянні экстрэмісцкім праявам, недапушчэнні ўзаемадзеяння з экстрэмісцкімі фарміраваннямі». Дырэктар школы пазнаёміла прысутных з відамі экстрэмізма і адказнасцю за іх.
