Падчас паходу вучні 10 класа наведалі Брацкую магілу ў аграгарадку Стараволя і мемарыяльны сквер у вёсцы Зарэчча, створаны ў памяць аб загінулых жыхарах, удзельніках Вялікай Айчыннай вайны, і ў гонар усіх жыхароў вёскі, прайшлі па Алеі памяці, пазнаёміліся з партрэтамі жыхароў вёскі, што загінулі падчас вайны на тэрыторыі Беларусі, Украіны, Расіі, Прусіі, Венгрыі, Чэхаславакіі і Германіі, ушанавалі памяць герояў хвілінай маўчання, да абеліска ўсклалі кветкі.

Потым іх чакаў цудоўны адпачынак на свежым паветры, песні і гульні, цікавыя гісторыі ля кастра.

Выхаванцы прышкольнага лагера наведалі Палацавы комплекс у Ружанах, які з’яўляецца адным з унікальных куткоў Беларусі. На працягу стагоддзяў найпрыгажэйшы архітэктурны ансамбль, які называюць беларускім Версалем, належаў магутнай дынастыі Сапегаў. Падчас экскурсіі пачаткоўцы пазнаёміліся з мінулым рэзідэнцыі, экспазіцыяй фрагментаў інтэр’ераў Палаца Сапегаў тых часоў і аўтэнтычнымі прадметамі. Таксама вучні пабывалі ў адной з залаў дынастыі Сапегаў, дзе праходзяць выставы беларускіх мастакоў.

Падчас канікул выхавальнікі школьнага летніка «Дружба» наведалі рамонтную майстэрню ААТ «Шані-аграпрадукт». Экскурсію для іх арганізавала спецыяліст па ідэалагічнай рабоце Асіпчук К.В. Вядучы інжынер Рыбачок П.М. пазнаёміў школьнікаў з найноўшай сельгастэхнікай, набытай гаспадаркай, з новымі сельскагаспадарчымі прафесіямі, запатрабаванымі ў акцыянерным таварыстве, запрасіў на працу ў гаспадарку пасля школы.

Цікавыя рухомыя гульні, спартыўныя спаборніцтвы, казачныя падарожжы і віктарыны спрыяюць стварэнню цудоўнага настрою, зараджаюць пазітыўнымі эмоцыямі і жаданнем весці здаровы лад жыцця выхаванцаў аздараўленчага лагера «Дружба».

Нягледзячы на дрэннае надвор’е, кінапраграма «Любимые мультяшки», гульня «Літаратурная Угадай-ка», спартыўныя гульні на свежым паветры «Осторожен будь всегда, не случилась, чтоб беда», «Спортивная солянка» не далі магчымасці сапсавацца цудоўнаму настрою выхавальнікаў аздараўленчага лагера «Дружба».