Аб аб’яўленні 2024 года Годам якасці
Кіраўнік дзяржавы Аляксандр Лукашэнка падпісаў Указ № 375 ад 27 лістапада 2023 г. «Аб аб’яўленні 2024 года Годам якасці». Дадзенае рашэнне прынята ў мэтах далейшага павышэння якасці жыцця беларускага народа, забеспячэння канкурэнтаздольнасці нацыянальнай эканомікі на сусветнай арэне, стымулявання ініцыятывы, фарміравання ў грамадстве адказнасці за вынікі сваёй працы і да будучыні краіны. Прыярытэтная ўвага планууцца надаць фарміраванню ў грамадзян асабістай адказнасці за дасягненне высокай якасці жыцця (дастатковы ўзровень даходу, своечасовая дыспансерызацыя, здаровае харчаванне, добрая адукацыя, культурны вольны час).
Рэспубліканская акцыя «Пад сцягам краіны»
Навучэнцы і педагогі ДУА «Шаняўская сярэдняя школа імя Міколы Засіма» далучаюцца да рэспубліканскай акцыі «Пад сцягам краіны».
Дзень прапаганды здаровага ладу жыцця
У суботу 14 снежня навучэнцы 5-9 класаў прынялі ўдзел у гімнастычнай эстафеце «Свае перамогі мы героям прысвячаем». Навучэнцы 1-4 класаў у ходзе выканання заданняў квэста пабудавалі «Маршрут здароўя». У ходзе сумеснай творчай працы навучэнцы 5-9 класаў стварылі «Лепбук здароўя». Усе ўдзельнікі засталіся задаволенымі, атрымалі шмат уражанняў і зарад самых станоўчых эмоцый. Члены валанцёрскага атрада «Дом» сталі актыўнымі ўдзельнікамі пляцоўкі ЗЛЖ «Шануй сваё жыццё».
Валодзькіна Вероніка заваявала дыплом ІІІ ступені ў раённым этапе рэспубліканскага конкурсу «Тэрыторыя чараўніцтва: сезон ёлачных цацак»
З мэтай садзеяння развіццю і падтрымкі ініцыятыў дзіцячых палат Цэнтральнага Савета Грамадскага аб’яднання «БРПА», стымулявання творчай ініцыятывы ў перыяд з 3 па 9 снежня 2024 года прайшоў раённы этап рэспубліканскага конкурсу «Тэрыторыя чараўніцтва: сезон ёлачных цацак». Вучаніца 5 класа Валодзькіна Вераніка сумесна з педагогам Тарасавай М.Б. змайстравала ёлачную цацку ў стылі БРПА і атрымала дыплом ІІІ ступені. Віншуем Вераніку і Тарасаву М.Б. з добрым вынікам!
Кожную суботу разам. Дзень патрыятычнага, духоўна-маральнага выхавання
7 снежня навучэнцы 5-10 класаў ДУА «Шаняўская сярэдняя школа імя Міколы Засіма» пад кіраўніцтвам класных кіраўнікоў Вашчук А.В. і Семянчук В.М. наведалі музей першага Героя Беларусі У.М. Карвата ў ДУА «СШ №8 г. Брэста». Экскурсаводы падрабязна распавялі пра лётчыка-знішчальніка, пра тое, як просты хлапчук марыў пра самалёты першага класа, як мары ўвасобіліся ў рэальнасць. Вытокамі дабрыні для Карвата былі сям’я, школа. У. М. Карват- гэта увасабленне мужнасці стойкасці, самаахвярнай вернасці свайму абавязку.
Члены гуртка «Драматычны» пад кіраўніцтвам Вашчук А.В. пабывалі ў Брэсцкім тэатры лялек на спектаклі па «Казцы пра цара Салтана» А.С. Пушкіна. Зачаравальная атмасфера тэатра, касцюмы, спецэфекты, гульня акцёраў, дэкарацыі, яркая дынаміка сцэны не пакінулі абыякавымі рабят.
Навучэнцы 1-4 класаў прынялі ўдзел у квэст-круізе «Пазнай Беларусь». Для навучэнцаў 5-9 класаў быў арганізаваны адкрыты мікрафон «Ганаруся сваёй краінай».
Святкуем 85-годдзе ўтварэння Брэсцкай вобласці
Ва ўсіх класах прайшлі інфармацыйныя гадзіны, прысвечаныя 85-годдзю ўтварэння Брэсцкай вобласці. Вучні наведалі выставу да 85-годдзя ўтварэння Брэсцкай вобласці, знаёміліся з прадпрыемствамі і дасягненнямі Брэсцкай вобласці, праглядалі відэаролікі і складалі калажы аб #1рэгіёне.
Кожную суботу разам. Дзень школьных традыцый
Творчы бум «Цудоўная казка на вокнах» сабраў разам навучэнцаў 1-4 класаў. Вучні 5-7 класаў прынялі ўдзел у конкурсна-гульнявой праграме «Давайце жыць дружна!». Старшакласнікі праявілі сваю творчасць у рамках работы студыі творчых спраў «Выцінанкі на вокнах».
Са снежня па сакавік праходзіць абласная экалагічная акцыя «Падтрымаем птушак!». Члены аб’яднання па інтарэсах «Юны біёлаг » далучыліся да акцыі і развесілі на тэрыторыі школьнага двара кармушкі для птушак, якія самі змайстравалі. Рабяты штодня будуць правяраць корм у кармушках для птушак. Хай птушкам будзе лягчэй суровай зімой!
Прафілактычная гутарка інспектара ІСН Пружанскага РАУС Кавалёва У.М. з навучэнцамі 8-10 класаў
У ходзе гутаркі інспектар ІСН нагадаў аб адказнасці навучэнцаў за прычыненне шкоды здароўю сваім аднагодкам, аб прафілактыцы злачынстваў у сферы палавой недатыкальнасці непаўналетніх, асаблівую ўвагу звярнуў на правілы дарожнага руху, правілы паводзін у сетцы Інтэрнэт, адказнасць непаўналетніх за злачынствы і правапарушэнні.
У ДУА «Шаняўская сярэдняя школа імя Міколы Засіма» адбылася захапляльная і займальная гульня сярод членаў БРСМ
Рабяты прадэманстравалі неверагодную кемлівасць, камандны дух і бліскучыя веды ў розных галінах. Інтэлектуальныя заданні былі вельмі разнастайнымі: ад гістарычных пытанняў да творчых выклікаў. Кожны ўдзельнік праявіў свае лепшыя якасці, а атмасфера спаборніцтва натхняла на новыя здзяйсненні. Такія мерапрыемствы аб’ядноўваюць, зараджаюць пазітывам і нагадваюць пра каштоўнасць каманднай працы. Не спыняйцеся на дасягнутым — наперадзе шмат новых мерапрыемстваў і магчымасцяў для самаўдасканалення!
