Аб аб’яўленні 2024 года Годам якасці
Кіраўнік дзяржавы Аляксандр Лукашэнка падпісаў Указ № 375 ад 27 лістапада 2023 г. «Аб аб’яўленні 2024 года Годам якасці». Дадзенае рашэнне прынята ў мэтах далейшага павышэння якасці жыцця беларускага народа, забеспячэння канкурэнтаздольнасці нацыянальнай эканомікі на сусветнай арэне, стымулявання ініцыятывы, фарміравання ў грамадстве адказнасці за вынікі сваёй працы і да будучыні краіны. Прыярытэтная ўвага планууцца надаць фарміраванню ў грамадзян асабістай адказнасці за дасягненне высокай якасці жыцця (дастатковы ўзровень даходу, своечасовая дыспансерызацыя, здаровае харчаванне, добрая адукацыя, культурны вольны час).
Добраўпарадкаванне памятных месцаў
Добраўпарадкаванне памятных месцаў — гэта тая малая частка нашых спраў, з дапамогай якіх мы выказваем сваю падзяку ўсім тым, хто аддаў сваё жыццё дзеля нас, дзеля мірнага неба над галавой. І наша галоўная задача — як мага даўжэй пранесці гэтую памяць.
Акцыя «Мы за ЗЛЖ. Гародніна і садавіна — карысныя прадукты»
З мэтай фарміравання ўяўлення вучняў аб правільным харчаванні як складовай часткі захавання і ўмацавання здароўя прайшла акцыя «Мы за ЗЛЖ. Гародніна і садавіна — карысныя прадукты» з удзелам доктара Пружанскай ЦРБ Жыгалка М.У. Марыя Уладзіміраўна не толькі распавяла дзецям пра карысць гародніны і садавіны для арганізма чалавека, але і пачаставала рабят смачнымі памідоркамі.
МНС ЗАПУСКАЕ НОВЫ БРЭНД-ПАКЕТ «У СТЫХІІ НЯМА СЭРЦА»
У нашай краіне штогод канстатуюцца выпадкі гібелі і траўматызму дзяцей. Лічбы статыстыкі не могуць пакінуць абыякавымі ніводнага дарослага: у 2022 годзе на пажарах загінулі 14 дзяцей, у 2023 годзе – 9, з пачатку 2024 года зафіксавана 6 выпадкаў дзіцячай гібелі. Згодна з аператыўнай інфармацыяй АСВОД у 2022 годзе на вадаёмах патанулі 26 дзяцей, у 2023 годзе – 21, з пачатку 2024 года – 15 дзяцей.
Часцяком вырашальным фактарам ва ўзнікненні падобных здарэнняў з’яўляецца адсутнасць кантролю з боку дарослых. Многія бацькі недаацэньваюць ці нават ігнаруюць рызыкі мноства патэнцыйна небяспечных сітуацый. Каб чарговы раз звярнуць увагу бацькоў на існуючую сацыяльную праблему, работнікі МНС Беларусі падышлі да гэтага пытання маштабна і стварылі новы брэнд-пакет «У стыхіі няма сэрца». Тэрмін правядзення кампаніі: ліпень 2024 года – жнівень 2025 года.
Вы чуеце, як б’ецца сэрца дзіцяці, які патрапіў у бяду? Сэрца маці, сціскаецца ад болю? Ці сэрца выратавальніка? А ці ёсць у стыхіі сэрца? Не! «У стыхіі няма сэрца». Гэтая фраза ў поўнай меры паказвае магчымыя наступствы безадказнага стаўлення да бяспекі дзяцей. Для максімальнага распаўсюджвання інфармацыйнай кампаніі ў горадзе з’явяцца яркія білборды, каб звярнуць увагу бацькоў на бяспеку дзяцей. Лістоўкі з карыснай інфармацыяй запоўняць інтэрнэт-прастору і абновяць стэнды ва ўсіх грамадскіх месцах, у арганізацыях і ўстановах.
Такім чынам, ратавальнікі ахопяць максімальны аб’ём мэтавай аўдыторыі і паспрабуюць дастукацца да кожнага з бацькоў – заклікаць не пакідаць дзяцей без нагляду, быць побач з дзіцем, каб папярэдзіць магчымую трагедыю і навучыць яго правілам бяспекі.
Не заставайцеся ў баку і вы: далучайцеся да кампаніі, і забяспечце бяспечнае дзяцінства сваім дзецям!
Навучэнцы з рознаўзроставага атрада «Лета» в.Кацёлкі праводзяць лета ў сяброўстве з фізкультурай і спортам.
Рабяты прынялі ўдзел у спартыўным мерапрыемстве «Летнія прыгоды», якое правяла сацыяльны педагог Пекун Н.А. Усе ўдзельнікі мерапрыемства атрымалі масу станоўчых эмоцый і зарад добрага настрою на ўвесь дзень.
У рамках работы занальнага цэнтра на базе школы прайшла квэст-гульня «Партызанскімі сцежкамі»
З мэтай папулярызацыі гістарычнай і культурнай спадчыны малой радзімы, актывізацыі пазнавальнай цікавасці вучняў у рамках работы занальнага цэнтра на базе школы прайшла квэст-гульня «Партызанскімі сцежкамі». У мерапрыемстве прынялі ўдзел нашы рабяты і навучэнцы ДУА «Слабадская сярэдняя школа». Удзельнікам квэста неабходна было прайсці партызанскімі сцежкамі 6 станцый, выканаць на кожнай станцыі заданне і сабраць 6 запаветных літар «П», «О», «Б», «Е», «Д», «А». Станцыі «Гістарычная», «Медыцынская», «Міннае поле», «Гэтых дзён не змоўкне слава», «Музычная» выклікалі ў рабят масу станоўчых эмоцый. Удзельнікі ўспомнілі важныя даты, падзеі і імёны, якія прынеслі ў гады Вялікай Айчыннай вайны радасць перамог і горыч паражэнняў. На станцыях рабят сустракалі педагогі Пекун Н.А. і Жэдзік Г.М., а таксама работнікі ДУК «Шаняўскі сельскі клуб-бібліятэка» Кабрынец Т.Ф. і Гароднік А.Г. Веданне гісторыі краіны і раёна, інфармацыя пра герояў вогненных гадоў, а таксама спартыўная спрыт спатрэбіліся рабятам. Завяршылася мерапрыемства сумесным выкананнем ваенных песен пад баян.
Давайце разам захоўваць памяць аб подзвігах нашых продкаў і імкнуцца да міру і працвітання нашай роднай краіны!
Гады Вялікай Айчыннай вайны на целе Пружанскага раёна пакінулі незагойныя раны: спалена 134 населеныя пункты, 43 з якіх не адноўлены… За гады акупацыі было расстраляна і закатавана амаль 20 тысяч чалавек. На катаржныя работы вывезена больш за 4 тысячы жыхароў. 80 гадоў таму, у ноч з 16 на 17 ліпеня 1944-га, часткамі 1-га Беларускага фронту горад Пружаны быў вызвалены. Няхай гэты значны дзень будзе напоўнены гонарам за нашу краіну, павагай да ветэранаў і памяццю аб тых, хто не вярнуўся з поля бою. Няхай кожны з нас беражэ мір і згуртаванасць, каб ніколі не паўтарылася гэтая страшная старонка гісторыі.
Гарачым летнім вечарам рабяты прынялі ўдзел у гульні “Знайдзі скарб”
Спартыўная квэст-гульня- гэта новая форма забаўляльнай і гульнявой праграмы, з дапамогай якой дзеці апускаюцца ў свет станоўчых эмоцый і актыўна ўключаюцца ў займальную дзейнасць. Гэтая гульня дазваляе кожнаму ўдзельніку праявіць свае здольнасці. Гарачым летнім вечарам рабяты прынялі ўдзел у гульні “Знайдзі скарб”. У працэсе гульні дзеці выконвалі розныя рухомыя заданні. Яны праяўлялі спрыт, трываласць, кемлівасць. Каб дабрацца да скарбу, удзельнікам гульні неабходна было пераадолець шмат перашкод: з пастаўленай задачай дзеці справіліся і скарб быў знойдзены.
Пружанскі раён- ведаем, ганарымся!
Кожны чалавек задумваўся, з чаго пачынаецца Радзіма…. А пачынаецца яна з любові да малой радзімы. 17 ліпеня навучэнцы нашай школы прынялі ўдзел у мерапрыемстве, прысвечаным 80-годдзю вызвалення Беларусі ад нямецка-фашысцкіх захопнікаў і юбілейнаму году Брэсцкай вобласці. Школьнікі ўспомнілі трагічныя моманты гісторыі Пружаншчыны, ушанавалі памяць аб гераічным подзвігу народа ў гады Вялікай Айчыннай вайны, пагаварылі аб дасягненнях і турыстычным патэнцыяле раёна. Удзельнікі мерапрыемства зрабілі выснову, што дасягненні нашага раёна магчымыя дзякуючы людзям, якія жывуць на нашай зямлі. Напрыканцы сустрэчы рабяты напісалі пажаданні для Пружанскага раёна.
