Аб аб’яўленні 2024 года Годам якасці
Кіраўнік дзяржавы Аляксандр Лукашэнка падпісаў Указ № 375 ад 27 лістапада 2023 г. «Аб аб’яўленні 2024 года Годам якасці». Дадзенае рашэнне прынята ў мэтах далейшага павышэння якасці жыцця беларускага народа, забеспячэння канкурэнтаздольнасці нацыянальнай эканомікі на сусветнай арэне, стымулявання ініцыятывы, фарміравання ў грамадстве адказнасці за вынікі сваёй працы і да будучыні краіны. Прыярытэтная ўвага планууцца надаць фарміраванню ў грамадзян асабістай адказнасці за дасягненне высокай якасці жыцця (дастатковы ўзровень даходу, своечасовая дыспансерызацыя, здаровае харчаванне, добрая адукацыя, культурны вольны час).
У шосты школьны дзень члены ГА БРПА ДУА «Шаняўская сярэдняя школа імя Міколы Засіма» наведалі ветэранаў педагагічнай працы і былых работнікаў школы, павіншавалі іх з Днём настаўніка
Рабяты пажадалі моцнага здароўя, дабрабыту і даўгалецця.
Кожную суботу разам. Дзень патрыятычнага, духоўна-маральнага выхавання
Навучэнцы 1-4 класаў прынялі ўдзел у конкурсе малюнкаў «Малюем разам любімую Беларусь», навучэнцы 5-8 класаў здзейснілі віртуальны тур «Сімвалы памяці і смутку». Старшакласнікі наведалі прафарыентацыйнае мерапрыемства з удзелам Бульц Дар’і, студэнткі 3 курса інжынернага факультэта УА «Палескі дзяржаўны ўніверсітэт». Навучэнцы 8,9 класаў сталі ўдзельнікамі спаборніцтваў па валейболе і з карысцю для здароўя правялі час.
Святочная праграма «Мы любім вас, настаўнікі!» прайшла 4 кастрычніка ў школе
Педагогаў павіншавала дырэктар Ярмашэвіч А.М. Рабяты выконвалі песні, чыталі вершы, танцавалі. Святочная праграма прайшла ў цёплай атмасферы і падарыла педагогам шмат пазітыву і добрага настрою.
Урачыстае мерапрыемства, прымеркаванае да Дня настаўніка, адбылося сёння ў Палацы культуры горада Пружаны
Заслужаныя ўзнагароды былі ўручаны лепшым педагогам Пружанскага раёна. Падзячным лістом Пружанскага раённага выканаўчага камітэта ўзнагароджана настаўнік матэматыкі Семянчук Валянціна Мікалаеўна. Ганаровай граматай аддзела па адукацыі Пружанскага райвыканкама ўзнагароджана настаўнік беларускай мовы і літаратуры Сунік Алена Мікалаеўна. Віншуем!
Дзень настаўніка – цёплае і кранальнае свята
Гэта дзень, калі вучні кажуць шмат цёплых слоў сваім настаўнікам. Сёння з самай раніцы ў школе панавала па-асабліваму святочная і ўрачыстая атмасфера. Члены ГА БРСМ павіншавалі ўвесь працоўны калектыў школы і пажадалі 365 дзён здароўя, 8760 гадзін добрага настрою, 525600 хвілін усмешак і 31536000 секунд поспеху.
Паважаныя педагогі! Прыміце самыя шчырыя віншаванні з прафесійным святам- Днём настаўніка!
Няхай цёплыя словы і добрыя пачуцці вучняў саграваюць вашы сэрцы. Моцнага Вам здароўя, шчасця, дабрабыту і радасці новых поспехаў!
Стартавала першая дыстанцыйная вучэбная змена для падрыхтоўкі вучняў да Рэспубліканскіх алімпіяд!
Акадэмія адукацыі адкрыла доступ да заданняў першай дыстанцыйнай вучэбнай змены па шэрагу прадметаў. Выканаць заданні можна будзе да 18:00 5 кастрычніка. У перыяд з 7 па 19 кастрычніка выкладчыкі БДУ правядуць праверку работ, выкананых удзельнікамі змен. З 26 кастрычніка выкладчыкі ў дыстанцыйным фармаце будуць разбіраць заданні. Заданні могуць выконваць навучэнцы любых класаў. Паглядзець на заданні ўсіх прадметаў адразу можна на сайце adu.by. Жадаем поспеху ў выкананні заданняў ўсім удзельнікам змены!
Самы вялікі ўрок аб Мэтах устойлівага развіцця прайшоў у ДУА «Шаняўская сярэдняя школа імя Міколы Засіма»
Урок быў накіраваны на знаёмства школьнікаў з Мэтамі ўстойлівага развіцця, фарміраванне разумення значнасці МУР у вырашэнні глабальных праблем сучаснасці, ўсведамленне ролі кожнага жыхара планеты ў працэсах рэалізацыі ідэй і прынцыпаў ўстойлівага развіцця.
Члены ГА «БРПА“ далучыліся да рэспубліканскай акцыі «Павага. Клопат. Адказнасць» да Дня пажылых людзей
Мэтай дадзенай акцыі з’яўляецца выхаванне ў дзецях клопату пра людзей, пачуцці міласэрнасці, спагады, жадання прыйсці на дапамогу і павагі да пажылых людзей.
