З мэтай фарміравання ўяўлення вучняў аб правільным харчаванні як складовай часткі захавання і ўмацавання здароўя прайшла акцыя «Мы за ЗЛЖ. Гародніна і садавіна — карысныя прадукты» з удзелам доктара Пружанскай ЦРБ Жыгалка М.У. Марыя Уладзіміраўна не толькі распавяла дзецям пра карысць гародніны і садавіны для арганізма чалавека, але і пачаставала рабят смачнымі памідоркамі.
Рабяты прынялі ўдзел у спартыўным мерапрыемстве «Летнія прыгоды», якое правяла сацыяльны педагог Пекун Н.А. Усе ўдзельнікі мерапрыемства атрымалі масу станоўчых эмоцый і зарад добрага настрою на ўвесь дзень.
З мэтай папулярызацыі гістарычнай і культурнай спадчыны малой радзімы, актывізацыі пазнавальнай цікавасці вучняў у рамках работы занальнага цэнтра на базе школы прайшла квэст-гульня «Партызанскімі сцежкамі». У мерапрыемстве прынялі ўдзел нашы рабяты і навучэнцы ДУА «Слабадская сярэдняя школа». Удзельнікам квэста неабходна было прайсці партызанскімі сцежкамі 6 станцый, выканаць на кожнай станцыі заданне і сабраць 6 запаветных літар «П», «О», «Б», «Е», «Д», «А». Станцыі «Гістарычная», «Медыцынская», «Міннае поле», «Гэтых дзён не змоўкне слава», «Музычная» выклікалі ў рабят масу станоўчых эмоцый. Удзельнікі ўспомнілі важныя даты, падзеі і імёны, якія прынеслі ў гады Вялікай Айчыннай вайны радасць перамог і горыч паражэнняў. На станцыях рабят сустракалі педагогі Пекун Н.А. і Жэдзік Г.М., а таксама работнікі ДУК «Шаняўскі сельскі клуб-бібліятэка» Кабрынец Т.Ф. і Гароднік А.Г. Веданне гісторыі краіны і раёна, інфармацыя пра герояў вогненных гадоў, а таксама спартыўная спрыт спатрэбіліся рабятам. Завяршылася мерапрыемства сумесным выкананнем ваенных песен пад баян.
Спартыўная квэст-гульня- гэта новая форма забаўляльнай і гульнявой праграмы, з дапамогай якой дзеці апускаюцца ў свет станоўчых эмоцый і актыўна ўключаюцца ў займальную дзейнасць. Гэтая гульня дазваляе кожнаму ўдзельніку праявіць свае здольнасці. Гарачым летнім вечарам рабяты прынялі ўдзел у гульні “Знайдзі скарб”. У працэсе гульні дзеці выконвалі розныя рухомыя заданні. Яны праяўлялі спрыт, трываласць, кемлівасць. Каб дабрацца да скарбу, удзельнікам гульні неабходна было пераадолець шмат перашкод: з пастаўленай задачай дзеці справіліся і скарб быў знойдзены.
Кожны чалавек задумваўся, з чаго пачынаецца Радзіма…. А пачынаецца яна з любові да малой радзімы. 17 ліпеня навучэнцы нашай школы прынялі ўдзел у мерапрыемстве, прысвечаным 80-годдзю вызвалення Беларусі ад нямецка-фашысцкіх захопнікаў і юбілейнаму году Брэсцкай вобласці. Школьнікі ўспомнілі трагічныя моманты гісторыі Пружаншчыны, ушанавалі памяць аб гераічным подзвігу народа ў гады Вялікай Айчыннай вайны, пагаварылі аб дасягненнях і турыстычным патэнцыяле раёна. Удзельнікі мерапрыемства зрабілі выснову, што дасягненні нашага раёна магчымыя дзякуючы людзям, якія жывуць на нашай зямлі. Напрыканцы сустрэчы рабяты напісалі пажаданні для Пружанскага раёна.
Лета- гэта не толькі час адпачынку і забаў, але і магчымасць атрымаць новыя веды і вопыт. Адным са спосабаў правесці летнія канікулы з карысцю з’яўляецца індывідуальнае працаўладкаванне. У хлебаробаў самы разгар сезону: хтосьці косіць, хтосьці ўжо жне, хтосьці заняты іншымі працамі. Адным словам, працы ў сельскай гаспадарцы летам шмат, таму ў ААТ «Шані-аграпрадукт» працягваюць працаваць 13 навучэнцаў ДУА «Шаняўская сярэдняя школа імя Міколы Засіма». Дзеці ўсведамляюць, што іх праца для роднай гаспадаркі важная. Таму старанна працуюць, а ў вольны час з задавальненнем робяць выдатныя фотаздымкі.
З мэтай далучэння вучняў да матэрыяльнай і духоўнай культуры свайго народа і ўцягванне дзяцей у яркі свет народных гульняў у в. Кацёлкі настаўнікам пачатковых класаў Коверзневой І. М. праведзены творчы салон «Супер лета. Я люблю Беларусь». Падчас мерапрыемства рабяты плялі вянкі з палявых кветак, рабілі самалёцікі, а таксама пазнаёміліся і пагулялі ў беларускія народныя гульні: «Гусі-лебедзі», «Золата», «Лянок», «Ручаёк». Дзецям гульні вельмі спадабаліся.
Гарачым летнім вечарам рабяты з карысцю правялі час: займаліся на трэнажорах, каталіся на горцы, гулялі, спявалі песні. Што можа быць лепш, чым актыўны адпачынак на свежым паветры!
Летнімі вечарамі праходзяць не толькі спартыўныя мерапрыемствы. 10 ліпеня навучэнцы прынялі ўдзел у кіналекторыі «Сімвалы памяці і смутку». На мерапрыемстве прагучалі страшныя лічбы аб колькасці загінуўшых у выніку генацыду на тэрыторыі БССР, аб тым, колькі населеных пунктаў было знішчана разам з жыхарамі, і аб самай вялікай трагедыі Вялікай Айчыннай вайны — аб Хатыні, гісторыю якой забываць нельга. Хатынь- гэта адно з найбольш шанаваных месцаў Беларусі, сімвал трагедыі беларускага народа. Вучні прыйшлі да высновы, што неабходна памятаць пра трагічныя падзеі, пра гора тых дзён, пра жахі фашызму, таму што толькі памяць пра вайну заклікае да адказнасці за мір на зямлі.
13 навучэнцаў ДУА «Шаняўская сярэдняя школа імя Міколы Засіма» індывідуальна працаўладкаваны ў ААТ «Шані-аграпрадукт» і прымаюць актыўны ўдзел у захаванні ўраджаю. Рабяты працуюць зладжана і дружна. Спадзяемся, што некаторыя з іх у будучыні звяжуць сваё жыццё з сельскай гаспадаркай. Ну, а пра свае першыя працоўныя будні ў ААТ «Шані-аграпрадукт» яны будуць успамінаць толькі па-добраму.
