Навучэнцы 8,9,11 класаў наведалі УА»Івацэвіцкі дзяржаўны аграрны каледж». У ходзе экскурсіі навучэнцы даведаліся аб спецыяльнасцях, якія яны могуць атрымаць у каледжы, тэрмінах навучання, сацыяльна-бытавых умовах пражывання і матэрыяльна-тэхнічным забеспячэнні навучальнага працэсу каледжа. Вельмі ўразіў дзяцеў музей. Навучэнцы пазнаёміліся з экспанатамі, якія закранулі Івацэвіцкі раён у гады вайны, прыстасаваннямі для ткацтва, работамі навучэнцаў. Таксама старшакласнікі мелі магчымасць паабедаць у студэнцкай сталовай.

2 лістапада адбылася экскурсійная паездка для навучэнцаў 8, 9, 11 класаў. Экскурсія пачалася з мястэчка Ружаны, дзе яны наведалі найпрыгажэйшы помнік архітэктуры Беларусі, адзін з найбуйнейшых палацавых комплексаў XVII—XVIII стст., — Ружанскі палац. Навучэнцы даведаліся, чаму яго называюць беларускім Версалем і што належаў ён магутнай дынастыі Сапегаў. Масу ўражанняў і ведаў набылі старшакласнікі, наведаўшы палац Пуслоўскіх у мястэчку Косава. У захапленні навучэнцы былі ад архітэктуры замка, інтэр’ера залаў, прадметаў побыту і адзення нашых продкаў. Не менш цікавай была экскурсія па музеі-сядзібе ім. Т. Касцюшка.

Навучэнцы 5-7 класаў у суправаджэнні класных кіраўнікоў Семянчук В. М.і Пекун Н. А.наведалі ўнікальны гісторыка-культурны аб’ект — археалагічны музей пад адкрытым небам у нацыянальным парку «Белавежская пушча.  Дзеці пазнаёміліся з развіццём матэрыяльнага і духоўнага жыцця нашых продкаў у перыяд ад каменнага веку і да ранняга сярэднявечча. Таксама навучэнцы наведалі Камянецкую вежу-унікальны помнік старажытнарускага абароннага дойлідства другой паловы XIII стагоддзя.

У рамках рэспубліканскай пажарна-прафілактычнай акцыі «За бяспеку разам» навучэнцы 5-7 класаў наведалі Цэнтр бяспекі ў Камянцы. Інтэрактыўны занятак для дзяцей правёў інспектар прапаганды і ўзаемадзеяння з грамадскасцю Камянецкага РАНС Зазулька Руслан Ігаравіч. У ходзе заняткаў пры дапамозе тэхналогіі дапоўненай рэальнасці праводзілася візуальнае апусканне ў сераду, якая імітуе розныя надзвычайныя сітуацыі. Запамінальным для школьнікаў стала пераадоленне дымавога лабірынта. Наведаўшы Цэнтр бяспекі, школьнікі атрымалі бясцэнны багаж ведаў і практычных навыкаў, якія з’яўляюцца асновай бяспечных паводзін у розных надзвычайных сітуацыях у перыяд восеньскіх канікул!

Коверзнева І. М. правяла для рабят з рознаўзроставага атрада в.Кацёлкі займальнае падарожжа ў Майстарград. Хлопцы не толькі малявалі малюнкі, але і стварылі выдатныя восеньскія букеты з лісця для сваіх любімых мам.

Настаўнікам Вашчук А. В. сярод навучэнцаў 8, 9, 11 класаў быў праведзены інтэлектуальны турнір «Ці ведаеш рускую мову?». Мэтай мерапрыемства было прыцягненне цікавасці вучняў да прадмета, развіццё творчых і інтэлектуальных здольнасцяў. Падчас турніру навучэнцы адказвалі на займальныя пытанні настаўніка, у гульнявой форме паўтарылі вывучаны матэрыял, павысілі навык узаемадзеяння ў камандзе.