Вучаніца 8 класа Шаламіцкая Паліна прыняла ўдзел у раённым этапе VII Рэспубліканскага агляду-конкурсу дзіцячай творчасці, дзе ў намінацыі «Вакальная творчасць. Салісты. Эстрадныя спевы» ў яе выкананні прагучалі песні «Любимую не отдают» і «Беларусачка я».
Спартыўна-забаўляльная праграма «Калядная карусель» запрасіла пачаткоўцаў праявіць свае ўменні і сілу ў разнастайных конкурсах. Інтэрактыўны занятак ў рытме ЗОЖ дапамог вучням сярэдняга звяна зрабіць значны крок у бок здароўя, наведаўшы аднайменны інтэрактыўны занятак. Старшакласнікі паўдзельнічалі ў відэагульні па ЗЛЖ «Сакрэты здароўя».
Вучні ДУА «Шаняўская сярэдняя школа імя Міколы Засіма» прынялі ўдзел у дабрачыннай навагодняй акцыі «Ад усёй душы». Вучні наведалі ветэранаў педагагічнай працы і былых работнікаў школы, павіншавалі іх з навагоднімі і каляднымі святамі.#отвсейдушы
Новы год — гэта час цудаў, сустрэч з самымі блізкімі і, канешне, падарункаў! Рэспубліканскі праект «Цуды на Раство» накіраваны на тое, каб падчас пераднавагодняга чараўніцтва як мага больш людзей паверылі ў цуд. З надыходам Новага года і Раства ўсе чакаюць падарункаў і цудаў.
14 студзеня вас чакаюць наступныя мерапрыемствы:
09.00 — 09.45 спартыўна-забаўляльная праграма «Калядная карусель» (1 — 4 класы)
09.55 — 10.40 інтэрактыўны занятак «Шаг в сторону здоровья» (5 — 7 класы)
09.55 — 10.40 інтэрактыўная відэагульня па ЗЛЖ «Сакрэты здароўя» (8 — 9 класы)
Цікавыя спартландыі, відэасеансы, кіналекторыі, гадзіны перасцярогі вабяць школьнікаў падчас зімовых канікул.
Гадзіна здароўя ў Лядовым палацы ў г. Пружаны дапамагла вучням нашай установы ўдасканаліць навыкі катання на лёдзе і атрымаць зарад бадзёрасці, станоўчых эмоцый і пазітыву.
Падчас экскурсіі ў г. Пружаны вучні 5 — 7 класаў наведалі у Палацы культуры пакой баявой славы воінаў-інтэрнацыяналістаў, прысвечаны вайне ў Афганістане. Даведаліся шмат новага і цікавага аб жыцці маладых, жыццярадасных рабят, хто з гонарам выконваў свой воінскі абавязак. Незабыўныя ўражанні засталіся ў школьнікаў і ад наведвання музейнага пакоя «Зала Перамогі», размешчанага ў Пружанскім дзяржаўным аграрна-тэхнічным каледжы. Вучні пазнаёміліся з экспазіцыямі музея, даведаліся аб вялікім подзвігу нашых суайчыннікаў падчас вайны, узгадалі рэальныя гісторыі жыцця і барацьбы беларускага народа ў цяжкія гадзіны, змаглі патрымаць у руках зброю часоў ваеннага ліхалецця.
Адкрыты дыялог «Горькая иллюзия» прайшла ў школе для вучняў старшых класаў. Педагог сацыяльны пазнаёміла дзяцей з гісторыяй узнікнення першых алкагольных напояў, паведаміла аб шкодным уздзеянні алкаголя на арганізм чалавека. Прысутныя праглядзелі і абмеркавалі медыя-прэзентацыю «Горькая правда о горьком пиве». Школьнікам яшчэ раз нагадалі аб адказнасці напаўналетніх за ўжыванне алкагольных напояў ў грамадскіх месцах, аб разбуральнай сіле рэкламы, аб невыкананні законаў, якія датычацца продажу і ўжывання алкаголя. Таму кожны павінен клапаціцца аб сваім здароўі і весці здаровы лад жыцця.
