11 снежня пачаткоўцы ўдзельнічалі ў спартыўным свяце “Агні Алімпіяды”. Вучні сярэдняга звяна падарожнічалі ў часе “Беларусы на Алімпійскіх гульнях”. Вучні 8, 9 класаў праглядзелі і абмеркавалі відэаролік “Насустрач Алімпійскім гульням”.
З 6 па 11 снежня ў школе прайшоў Тыдзень прававых ведаў для вучняў 1- 9, 11 класаў. У ходзе праведзеных мерапрыемстваў дзеці паглыбілі свае веды аб правах чалавека, каштоўнасцях чалавечага жыцця, развілі навыкі правамерных паводзін, адказнасць за свае паводзіны на аснове ведаў сваіх правоў і абавязкаў.
Усе школьнікі прынялі актыўны ўдзел у практычных занятках, гульнях, дыскусіях, тэматычных інфармацыйных гадзінах. Тыдзень прававых ведаў быў змястоўны і выніковы. Вучні набылі вопыт, які ім неабходны ў сацыяльна значнай дзейнасці ў цяперашнім і будучым жыцці.
У рамках праекта «Зялёныя школы» у школе стартавала акцыя «Падтрымаем птушак!» Усе вучні школы разам з класнымі кіраўнікамі і бацькамі прыступілі да выканання задання 1.7. Вучнямі пачатковай школы сумесна з бацькамі былі зроблены кармушкі, а членамі гуртка «Юны біёлаг» усе кармушкі былі развешаны ў школьным садзе і арганізавана рэгулярная падкормка, у якой удзельнічаюць усе вучні школы.
З мэтай стварэння горада ці пасёлка, які жыве па прынцыпах здаровага ладу жыцця, у якім насельніцтва адказна ставіцца да ўласнага здароўя і здароўя навакольных, а таксама ў якіх маюцца ўмовы для захавання і ўмацавання здароўя, у Рэспубліцы Беларусь праводзіцца Дзяржаўны прафілактычны праект «Здаровыя гарады і пасёлкі». Педагагічны калектыў нашай установы таксама далучыўся да правядзення акцыі з элементамі конкурса «Зарадка для ўсіх!» #зарядкадлявсех
З 29 лістапада па 4 снежня ў школе прайшоў тыдзень здаровага ладу жыцця. Падчас правядзення тыдня вялікая ўвага была надзелена праведзенню мерапрыемстваў, прысвечаных Сусветнаму дню барацьбы са СНІДам, праблемам правільнага харчавання, прафілактыцы шкодных звычак, прапагандзе здаровага і бяспечнага ладу жыцця.
У суботні дзень пачаткоўцы праглядзелі і абмеркавалі відэа “Азбука правоў дзіцяці”. Вучні сярэдняга звяна ўдзельнічалі ў пазнавальна-гульнявой праграме “Вандраванне ў свет правоў дзіцяці”. Вучні 8 – 9 класаў спаборнічалі за перамогу ў інтэлектуальна-пазнавальным рынгу “Ты і права”.
У суботні дзень пачаткоўцы прынялі ўдзел у пасяджэнні дапытлівых “Шкодныя звычкі нам не сястрычкі”. Вучні сярэдняга звяна былі запрошаны на прагляд і абмеркаванне кіналекторыя “Минздрав предупреждает!” (па прафілактыцы курэння). Вучні 8, 9 класаў стварылі калаж «Спорт – альтэрнатыва шкодным звычкам».
