Вучні школы актыўна ўдзельнічаюць у творчых конкурсах. Куртавай Алінай, вучаніцай 11 класа, Гац Міланай, вучаніцай 1 класа, падрыхтаваны работы на абласную выставу дзіцячай творчасці «Усе дзеці таленавітыя».

20 лістапада пачаткоўцы ўдзельнічалі ў творчай майстэрні “Зімовая фантазія”. Вучні сярэдняга звяна займаліся калектыўна-творчай справай “Зімовая мазаіка”. Вучні 8, 9 класаў наведалі гадзіну творчых ідэй “Навагодні дэкор сваімі рукамі”.

Традыцыйным ў нашай школе стала правядзенне Засімаўскіх дзён. З 15 па 20 лістапада для школьнікаў праводзіліся мерапрыемствы, звязаныя з жыццём і творчасцю выдатнага літаратара, паэта-земляка, чалавека-змагара, імя якога носіць наша школа, Міколы Засіма.

Таксама на гэтым тыдні стартаваў літаратурны марафон «ЧЫТАЕМ ЗАСІМА», удзел у якім можа прыняць кожны жадаючы. Далучайцеся!

19 лістапада — дзень нараджэння славутага паэта-земляка Міколы Засіма. У гэты дзень вучні школы былі запрошаны педагогам-арганізатарам на літаратурную гадзіну, прысвечаную жыццю і творчасці знакамітага паэта. Школьнікі ўзгадвалі цікавыя моманты творчасці літаратара,  знаёміліся з малавядомымі старонкамі яго лёсу, дэкламавалі вершы.

Свята захоўваецца памяць пра славутага земляка, выдатнага паэта Міколу Засіма.

У ходзе тыдня Засімаўскіх дзён малодшыя школьнікі прынялі ўдзел у квэст-гульні «Мікола Засім— паэт і чалавек».