З 1 верасня 2021 года ва ўстановах адукацыі і спорту рэалізуецца Праект «#МОЙПУТЬВСПОРТ».

Другі этап Праекта стартаваў 2 кастрычніка і працягнецца да 15 студзеня 2022 года.

Падрабязную інфармацыю можна атрымаць на сайце http://waytosports2021.bitrix24site.by и Инстаграм @way_to_sports.

положение-мой-путь-в-спорт.pdf

Члены ГА «БРСМ» прынялі ўдзел у аперацыі «Абеліскі» і навялі парадак на месцы  дыслакацыі  партызанскага атрада імя Чкалава, на месцы гібелі  генерала Бахарава, у памятнага месца на радзіме Р. Шырмы.

11 лістапада 2021 года пройдзе абласная акцыя «Міжнародны дзень энергазберажэння» пад дэвізам «Праз эказвычкі да энергазберажэння».

Пад такой назвай з 8 па 12 лістапада ў Беларусі праходзіць рэспубліканская інфармацыйна-адукацыйная акцыя, якая накіравана на павышэнне дасведчанасці насельніцтва аб магчымых спосабах і метадах павышэння эфектыўнасці выкарыстання энергарэсурсаў, у тым ліку і ў паўсядзённым жыцці.

Завяршыў сваю работу аздараўленчы лагер “Дружба”. У гэты дзень выхаванцы прынялі ўдзел у розных творчых, спартыўных і забаўляльных мерапрыемствах. Наведванне прышкольнага лагера пакінула шмат прыемных уражанняў і стварыла добры настрой. Да сустрэчы, лагер «Дружба»!

У суботні дзень пачаткоўцы прынялі ўдзел у інтэрактыўнай гульні “Займальная граматыка”. Вучні 5 — 7 класаў змагаліся за перамогу ў гульні “Разумнікі і разумніцы”. Старшакласнікі спаборнічалі ў інтэлектуальным рынгу “Самы разумны”.

Вучні 5 — 7 класаў разам са сваімі класнымі кіраўнікам наведалі вёску Каштанаўка. Школьнікі адправіліся ў сядзібу Дзяконскіх, дзе пазнаёміліся з гісторыка-культурнай спадчынай свайго краю і проста весела правялі час.

5 лістапада выхаванцы прышкольнага лагера «Дружба» наведалі Палац Пуслоўскіх — помнік архітэктуры XIX стагоддзя. Размешчаны на ўзвышшы ў гарадку пад назвай Косава, ён прывабіў наведвальнікаў не толькі сваёй прыгажосцю, але і чароўнай навакольнай панарамай. Падчас экскурсіі дзеці даведаліся аб гісторыі будаўніцтва Палаца, архітэктуры яго галоўнай пабудовы, стылі і агульнай структуры ансамбля. Цікавым для школьнікаў стала і тое, што гэты Палац, як і многія іншыя, мае свае легенды.