Вучні 8 класа разам са сваім класным кіраўніком здзейснілі велапаход па маршруце аг. Шані — аг. Лінова. Падчас паходу яны наведалі сядзібу Дзяконскіх у в. Каштанаўка, пазнаёміліся з цікавымі звесткамі з жыцця гаспадароў сядзібы.
Шмат прыемных уражанняў засталося ў школьнікаў ад адпачынку на беразе вадаёма аг. Лінова.
Пазнавальная гадзіна «Знаўцы дарожнай азбукі», відэалекторый «Насустрач алімпійскім гульням», гульнявая праграма «У працы і спорце за рэкорды не спрачайцеся» сабралі выхаванцаў аздараўленчага лагера, каб яшчэ раз яны праявілі свае добрыя фізічныя здольнасці, пазнаёміліся з прозвішчамі і імёнамі спартсменаў, якія будуць удзельнічаць у летніх Алімпійскіх гульнях, і проста добра адпачылі.
Вясёлыя спартыўныя гульні і спаборніцтвы, конкурсныя і забаўляльныя праграмы, працоўныя дэсанты, кіналекторыі даюць магчымасць дзецям добра адпачыць у летні перыяд, падзяліцца сваімі ўражаннямі і захаваць на доўгі час добры настрой.
Музей-сядзіба «Пружанскі палацык» прывабіла сваёй непаўторнасцю форм выхаванцаў аздараўленчага лагера «Дружба». Падчас экскурсіі ўвага школьнікаў была сканцэнтравана на несіметрычнасць будынка, дзе розныя па памерах аб’ёмы злучаны ў адзіную кампазіцыю, якую ўвенчвае вежа ў цэнтры галоўнага фасада. У розмове з экскурсаводам дзеці даведаліся аб гаспадарах маёнтка Швыкоўскіх, якія гаспадарылі ў маёнтку ў трох пакаленнях, іх жыцці ў тыя часы, атрымалі магчымасць пазнаёміцца з мінулым сядзібы, даведацца, як ствараўся музей і чым ён жыве, заглянуць у экспазіцыйныя залы і музейныя фонды.
Таксама вучні яшчэ раз пабывалі ля памятных месцаў горада, успомнілі трагічныя падзеі Вялікай Айчыннай вайны ля помніка спаленым вёскам і помніка С. М. Гудзімаву, які раніцай 22 чэрвеня 1941 года каля Пружан збіў 2 варожых бамбардзіроўшчыкі, адзін з іх тараніў.
Віктарынны кактэйль да дня казак «На казачнай палянцы», гадзіна ціхага чытання «Чытаем любімыя кнігі» дапамаглі наведвальнікам лагера апынуцца ў чароўным казачным свеце, перажыць цікавыя моманты і цяжкасці з любімымі персанажамі, пазнаёміцца з новымі героямі. Інтэлектуальныя і спартыўныя гульні, музычныя гасцёўні і хвілінкі здароўя на свежым паветры падбадзёрваюць выхаванцаў і ствараюць добры настрой.
Выхаванцы аздараўленчага лагера «Дружба» наведалі памятныя мясціны Пружаншчыны. Падчас наведвання яны даведаліся аб населеных пунктах, якія былі знішчаны падчас ваеннага ліхалецця, пазнаёміліся з подзвігамі воінаў-землякоў, ушанавалі памяць герояў, якія аддалі сваё жыццё дзеля міру на роднай зямлі, хвілінай маўчання.
Яскравае сонейка, тёплае надвор’е дазваляюць вучням адпачыць з задавальненнем і цікавасцю на летніх канікулах.
У час летніх канікул вучні школы маюць цудоўную магчымасць пабываць у розных куточках нашай малой радзімы. Падчас наведвання музея-сядзібы «Пружанскі палацык» школьнікі мелі магчымасць пазнаёміцца з мінулым сядзібы, даведацца, як ствараўся музей і чым ён жыве, заглянуць у экспазіцыйныя залы і музейныя фонды, азнаёміцца з праграмай выстаў і мерапрыемстваў, атрымаць звесткі аб паслугах музея.
Таксама яны наведалі выставу дыназаўраў, якая дазволіла не проста ўбачыць вобразы старажытных яшчараў, але і прапанавала дзецям паўдзельнічаць у складанні пазлаў з выявамі жывёл.
Далучыцца да здаровага ладу жыцця, умацаваць сваё здароўе маюць магчымасць наведвальнікі аздараўленчага лагера, якія сёння прынялі ўдзел у спартыўнай шкатулцы «Я здаровым быць хачу», гульні «Спартыўны вагончык маіх сяброў, фізкультурна-аздараўленчай гадзіне «Каб у спорце першым быць, трэба спорт любіць». Праявіць свае творчыя фантазіі выхаванцы змаглі пры стварэнні калажу «Упрыгожым летнюю планету кветкамі».
Што можа быць лепшым, чым правесці занятак со сваімі сябрамі за карыснай і прыемнай справай? На працягу шмат дзён спартыўныя спаборніцтвы, гульні, гульнявыя і забаўляльныя праграмы на свежым паветры, танцавальныя флэшмобы, віктарыны захопліваюць выхаванцаў летніка. Мерапрыемствы, накіраваныя на фарміраванне навыкаў здаровага ладу жыцця, заставілі ўсур’ёз задумацца наведвальнікаў лагера аб праблемах здароўя дарослых і дзяцей.
