Цудоўным завяршаючым акордам Тыдня народнага адзінства стала ўрачыстая лінейка. Хоць з-за дажджлівага надвор’я яе прыйшлося перанесці ў школу, гэта не сапсавала святочнага настрою.
Урачыста і горда гучаў у выкананні ўсёй школы Гімн Беларусі. Святочнасць дабавілі любімыя песні пра нашу Радзіму, выступленне агітбрыгады і агульнашкольны флэшМоб “Мая Беларусь”.
Мы ганарымся спартыўнымі дасягненнямі вучня 7 класа Літвіновіча Андрэя, які з Восеньскага першынства Брэсцкай вобласці прывёз дыплом I ступені, а з лёгкаатлетычнага турніру памяці В.М. Мікалаенкі два дыпломы першай ступені і дыплом другой ступені.
Сваю маленькую ўзнагароду за ўдзел у конкурсе “ГлабусЯня” атрымала і вучаніца 9 класа Бойдзіч Валерыя.
У рамках Тыдня ва ўсіх класах прайшлі класныя гадзіны “Новае свята ў нашым календаы”, “Беларусь: учора, сёння, заўтра”, “Мы едины и непобедимы”, “Беларусь – краіна адзінства”, “У адзінстве наша сіла”.
Інфармацыйныя гадзіны, праведзеныя з нагоды Дня народнага адзінства, далі вучням магчымасць у поўнай меры асэнсаваць, што адзінства народа ва ўсе часы застаецца галоўнай нацыянальнай ідэяй краіны.
Да Тыдня народнага адзінства ва ўстанове аформлены стэнды “Моц Беларусі — у адзінстве народа”, кніжная выстава “Будучае Беларусі – у адзінстве”.
13 верасня — Дзень нараджэння БРПА. У піянерскай дружыне імя М. Казея прайшоў збор-старт «З днём нараджэння, піянерыя!». Збор быў праведзены ў форме квэст-гульні.
Дзень здароўя сабраў вучняў школы ў суботу, 11 верасня, для ўдзелу ў асеннім лёгкаатлетычным кросе. Пачаткоўцы змагаліся за перамогу ў гульні-віктарыне “Наша Беларусь”. Вучні 5 і 6 класаў наведалі інтэрактыўны занятак “Наш скарб – наша жыццё”, які быў прысвечаны пытанням прафілактыкі суіцыдальных паводзін непаўналетніх. Інтэрактыўны занятак “Сцежкамі здароўя” даў магчымасць вучням 7 – 9 класы абмеркаваць пытанні здаровага ладу жыцця.
Члены атрада «Выток» ДУА «Шаняўская сярэдняя школа імя Міколы Засіма» сталі пераможцамі ў раённым этапе абласнога агляду-конкурсу «Прыгажэй стане Брэстчына мая» ў намінацыі «Давайце будзем памятаць усіх салдат». А ў намінацыі «Азеляненне ўстаноў адукацыі ў сельскай мясцовасці» члены атрада ўзнагароджаны дыпломам І ступені (кіраўнік Граб В. М.)
Віншуем!
Так называлася гутарка, якую правялі з вучнямі 7 класа інспектары абласнога УДАІ Папко Е. А. і Андрасюк А. В. Дзеці з цікавасцю ўдзельнічалі ў абмеркаванні пытанняў па правілах дарожнага руху.
