Шмат цікавага і карыснага чакае кожны дзень выхаванцаў летніка. Пазнавальная гульня «Съедобное-несъедобное», квэст-гульня «Міннае поле», спартыўныя спаборніцтвы раскрываюць лепшыя фізічныя якасці дзяцей. Вельмі захапіла наведвальнікаў аздараўленчага лагера гадзіна творчасці «Адзенне для казачных герояў», дзе кожны паказаў свой творчы патэнцыял і ўменне працаваць у дружнай камандзе.

Шосты дзень аздараўленчага лагера запрасіў наведвальнікаў у гульню-падарожжа «Казачныя героі жывуць у казках», літаратурную гульню «Разнастайнасць кніжнага свету» і гадзіну чытання «Дзіцячыя часопісы карысна пачытаць», якія вабілі юных чытальнікаў светам чароўнага і незвычайнага. З задавальненнем і жаданнем выхаванцы ўдзельнічалі ў спартыўным круізе «Казачная паласа перашкод» і спартыўнай гульні «Хуткі мяч».

Дні ў аздараўленчым лагеры проходзяць заўсёды хутка і весела. Асабліва захапляльнымі для выхаванцаў былі творчыя конкурсы «Лета звонкае маё» і «Вясёлкавы чараўнік». Спартыўная эстафета ўзняла дух спаборніцтва, дала магчымасць кожнаму праявіць свае лепшыя фізічныя якасці  .

У суботні дзень выхаванцы аздараўленчага лагера ўдзельнічалі ў рыцарскім турніры «У дружбе і адзінстве наша сіла», гадзіне інфармавання «Цяжкасці перажывём, калі мы разам», прысвечаным Году адзінства народаў. Таксама ў гэты дзень яны наведалі сацыяльныя аб’екты аграгарадка Шані.

4 чэрвеня выхаванцы аздараўленчага лагера прынялі ўдзел у гадзіне памяці «Мы памятаем і ніколі не забудзем», прысвечанай 80-годдзю пачатку Вялікай Айчыннай вайны. Падчас успамінаў выхавацелі нагадалі вучням аб жудасных падзеях і цяжкім лёсе савецкага народа ў гэты час.

Таксама наведвальнікі летніка з вялікім задавальненнем спаборнічалі ў спартландыі «Спорт — ты сіла», гульнёвай праграме «Водныя забавы», у інтэрактыўнай гульні «Гульня са Смяшарыкамі». З мэтай фарміравання негатыўных адносін падлеткаў да курэння і зніжэння рызыкі далучэння да гэтай шкоднай звычкі з выхаванцамі была праведзена тэматычная дыскатэка «Парады Нязнайкі аб шкодзе курэння».

Цікава, весела і займальна праходзяць дні ў аздараўленчым лагеры. У другі дзень наведвальнікі прынялі ўдзел у спартыўна-гульнёвай праграме «Ура, канікулы!», спартыўным ералашы «Будзем сябраваць з фізкультурай і спортам». Гульню-віктарыну для выхаванцаў правяла бібліятэкар Шаняўскога СК Чэчка Н.У. У гульні «Залатая скакалка» і камандных спаборніцтвах «Спартыўны лабірынт» кожны імкнуўся паказаць лепшы вынік, але перамаглі мацнейшыя Пекун Д., Рамановіч А., Ляшчынскі А. і Крысевіч Ю.

У гонар 80-годдзя пачатку Вялікай Айчыннай вайны вучні 7 класа разам са сваім класным кіраўніком Жырыкавай Н. І. здзейснілі паход па месцах баявой славы г. Пружаны. У горадзе ёсць шмат цікавага. Тут можна пазнаёміцца як з выдатнымі мясцінамі горада, так і добра адпачыць на беразе возера. А ўражанняў дык шмат!

Вучні 2 класа пабывалі на радзіме славутага дзеяча беларускай культуры, фалькларыста, этнографа Р. Р. Шырмы. Ад мясцовай жыхаркі Лідзіі Фёдараўны яны даведаліся аб цікавых момантах яго жыцця, пазнаёміліся з творчым шляхам знакамітага земляка. Падчас паходу школьнікі ўшанавалі памяць воінаў, якія загінулі ў гады Вялікай Айчыннай вайны, хвілінай маўчання і проста адпачылі разам са сваім класным кіраўніком І. Р. Бяляевай.

У рамках рэспубліканскай акцыі «Выбор лета. ЗдОрово! ЗдорОво! Полезно! Дружно!» 2 чэрвеня адбылося ўрачыстае адкрыццё аздараўленчага лагера з дзённым наведваннем «Дружба». Выхаванцы прынялі ўдзел у цікавых конкурсах, забавах, інсцэніроўках. Для іх гучалі вясёлыя музычныя нумары. Пасля мерапрыемства іх чакала дыскатэка.