Надзвычай цікавым і змястоўным для вучняў школы прайшоў тыдзень прафарыетацыі, у рамках якога вучні даведаліся аб самых запатрабаваных прафесіях сучаснасці, зрабілі вывад, што пры выбары прафесіі неабходнай умовай павінны быць тры складаемыя:“Магу, хачу, трэба”. Школьнікі наведалі інфармацыйную вітрыну “Мая прафесія – маё будучае”, практыкум па прафарыентацыі “Твая будучая прафесія”, забаўляльную праграму “Салон прыгажосці. Прафесія цырульнік”, прафарыентацыйную гадзіну “Ярмарка прафесій”, праглядзелі і абмеркавалі фільм “Свет сучасных прафесій”.

15 сакавіка адзначаецца Дзень Канстытуцыі Рэспублікі Беларусь. З гэтай нагоды ў школе прайшлі мерапрыемствы, падчас правядзення якіх вучні змаглі пазнаёміцца з асноўнымі артыкуламі дакумента, гісторыяй яго ўзнікнення, са змяненнямі і дапаўненнямі, прынятымі на рэспубліканскіх рэферэндумах у 1996 і 2004 гадах, з асновамі фарміравання сістэмы заканадаўства дзяржавы.

6 сакавіка пачаткоўцы спаборнічалі ў конкурснай праграме «Вясна з мамамі спяшаецца да нас у госці». Вучні 5 — 9 класаў былі запрошаны для ўдзелу ў гадзіне памяці «Я вам жизни завещаю, что я больше могу…». Таксама ў гэты дзень школьнікі праявілі сваю творчасць і фантазію ў калектыўна-творчай справе «Падарунак для любай матулі».