29 студзеня для вучняў старэйшых класаў прайшла літаратурная вечарына, прысвечаная 100-гадоваму юбілею вядомага беларускага пісьменніка І. Шамякіна. Вучні мелі магчымасць пазнаёміцца з жыццёвым і творчым шляхам пісьменніка, праглядзець відэаролік, прыняць ўдзел у літаратурным турніры. Шмат карыснага і цікавага ўзялі для сябе ўдзельнікі мерапрыемства.
Вучні 10 класа Варажбіцкі Валерый і 7 класа Курыльчук Аліна ўдзельнічаюць у фотаконкурсе «Созидая, не разрушай».
У суботу, 23 студзеня, вучні 5 — 9 класаў здзейснілі паход на лыжах па маршруту аг. Шані – ур. Пясчына – аг. Шані.
Таксама ў гэты дзень пачаткоўцы прынялі ўдзел у інтэрактыўнай гульні “Дзеці новага пакалення”. Вучні 5 — 9 класаў спаборнічалі ў інтэлектуальным турніры “Знаўцы нямецкай мовы”.
Вучаніца 6 класа Шаламіцкая Паліна прыняла ўдзел у раённым этапе VI Рэспубліканскага агляду-конкурсу дзіцячай творчасці «Здравствуй, мир!».
Вучні школы з задавальненнем прымаюць удзел у акцыі, дапамагаючы пярнатым сябрам.
Апошнім этапам метадычнага семінару стаў адкрыты ўрок настаўніка біялогіі і геаграфіі Граб В. М. па тэме «Атмасферны ціск», дзе педагог падзялілася вопытам выкарыстання QR — кодаў у адукацыйным працэсе.
20 студзеня вучняў 5 — 6 класаў запрасілі прыняць удзел у гадзіне творчасці “Краявіды роднага краю, вам у любові я прысягаю”. Дзеці ў форме гульні прайшліся па запаведных мясцінах Беларусі. У канцы мерапрыемства вучні з задавальненнем аформілі газету “Мая Беларусь”.
Надыйшла сапраўдная зіма! Вучні нашай ўстановы прымаюць актыўны ўдзел ва ўборцы снежнага покрыва.
