Зіма! Зіма! І ўсе ёй рады!
Прыйшла доўгачаканая зіма з маразамі і гульнямі! Як толькі выпаў першы снег, на ўроках фізічнай культуры пачалася лыжная падрыхтоўка.
Снежны снайпер
З раённага этапу Рэспубліканскіх спаборніцтваў па біятлоне вучні старэйшай узроставай групы прывезлі дыплом за ІІІ месца. Віншуем Аліну Куртаву, Мікіту Кавальчука і настаўніка фізічнай культуры Печнікава Дзмітрыя Алегавіча!
#познайБеларусь
Вучаніца 9 класа Парфенюк Ганна ўдзельнічае ў Рэспубліканскім конкурсе «Пазнай Беларусь».
Прававая субота
У суботу, 16 студзеня, пачаткоўцы прынялі ўдзел у ролевай гульні “Незвычайнае школьнае падарожжа”. Вучні 5 — 9 класаў спаборнічалі ў інтэрактыўнай гульні “Прававы калейдаскоп”. Члены ГА «БРСМ» аказвалі дапамогу састарэлым, прыняўшы ўдзел у аперацыі “Клопат”.
Казка запрашае
14 студзеня вучні пачатковых класаў былі запрошаны прыняць удзел у інтэлектуальнай гульні “У гасцях у беларускай казкі”. Удзельнікі мерапрыемства мелі магчымасць успомніць вядомыя беларускія народныя казкі, паглядзець відэафільмы, паслухаць і пачытаць творы, а потым даць адказы на пытанні.
Падтрымаем птушак
Пад такой назвай праходзіць абласная экалагічная акцыя, да якой далучыліся члены гуртка «Юны біёлаг». Дзеці з задавальненнем займаюцца падкормкай птушак і вырабам экалагічных кармушак.
Вучымся самі — вучым іншых
6 студзеня ў школе прайшоў семінар-практыкум «Выкарыстанне QR-кодаў у адукацыйным працэсе». У ходзе семінара вопытам сваёй работы падзялілася настаўнік пачатковых класаў Бяляева І.Р.
#добронеуходитнаканикулы#
Піянерская дружына нашай установы прыняла ўдзел у дабрачыннай акцыі #добронеуходитнаканикулы#. Членамі арганізацыі былі сабраны канцэлярскія прылады. Падарункавы камплект быў уручаны Дзедам Марозам і Снягуркай на навагоднім ранішніку Гац Кацярыне.
У Новы год з песнямі і танцамі
Вясёлы, прыгожы і светлы навагодні ранішнік прайшоў ў нашай школе для вучняў 3 — 4 класаў, дзе была разыграна сапраўдная казка, героямі якой сталі Дзед Мароз і Снягурачка. Падчас свята гучалі вясёлыя песні, прыгожыя віншавальныя вершы, а больш за ўсё дзяцей захапілі цікавыя гульні.
Чароўны Новы год
29 снежня вучні 7 — 10 класаў разам са сваім кіраўнікамі запрасілі педагогаў і вучняў школы ў сапраўдную навагоднюю казку. Вавёрка, Воўк, Лясун, Лясныя прыгажуні і Баба-Яга парадавалі ўсіх сваім прадстаўленнем і падарылі ўсім бадзёры і радасны настрой.
