Крэатыўна падышлі да арганізацыі тыдня спорту і здароўя ў школе. Настаўнікі зрабілі стаўку на розныя формы правядзення мерапрыемстваў, якія былі як спартыўныя, так і творчыя. Творчасць, палёт фантазіі паказалі вучні падчас конкурсу малюнкаў “Мой любімы від спорта”. Юныя мастакі рэкламавалі заняткі спортам і фізкультурай, агітавалі за актыўны лад жыцця і правільнае харчаванне, гаварылі цвёрдае НЕ шкодным звычкам. У працяг тэмы здаровага ладу жыцця прайшлі агульнашкольныя спаборніцтвы па валейболе і футболе, спартыўная эстафета “Усе на старт!”, спартландыя “Вясёлыя старты”, гадзіна спартыўнай гульні “Хуткі мяч”, для вучняў старэйшых класаў была праведена дыскусія “Выбіраючы спорт – мы выбіраем здороўе”. У заканчэнне тыдня прайшоў агульнашкольны дзень здароўя.

5 верасня вучні пачатковых класаў спаборнічалі ў турніры знаўцаў “Таямніцы роднай мовы”.  Вучні 5 — 9 класаў падарожнічалі па кніжнаму сусвету “Слова роднае – вечнасці след”. Старшакласнікі наведалі інфармацыйны веснік “Слаўная зямля славутых продкаў”.

2 верасня ў рамках акцыі “Адзіны рэспубліканскі дзень бяспекі” ў школе прайшла вучэбная эвакуацыя. У ходзе дня з вучнямі былі праведзены мерапрыемствы па супрацьпажарнай бяспецы: пазнаваўчая гадзіна “Парады службы 101”, квэст-гульня “Азбука бяспекі”, гадзіна бяспекі “Агонь сябар або вораг…”