Падчас зімовых канікулаў вучні старэйшых класаў наведалі STEM-клас у СШ № 1 г. Пружаны, дзе навучэнцы маюць магчымасць вывучаць асновы праграмавання, 3D-мадэлявання, канструявання робатаў і многае іншае. Таксама старшакласнікі даведаліся аб тым, што такі клас працуе па ініцыятыве і падтрымцы асацыяцыі “Адукацыя для будучыні”.
9 студзеня вучні пачатковых класаў былі запрошаны да ўдзелу ў спаборніцтвах кемлівых. Тарасава М.Б. прапанавала вучням пытанні аб жывёльным і раслінным свеце Беларусі, музычных інструментах, кампазітарах і іх творах, касмічным асяроддзі. Падчас спаборніцтваў вучні не толькі ўзнавілі раней набытыя веды, але і даведаліся шмат новага і цікавага.
9 студзеня вучні 8, 9, 11 класаў пабывалі ў ААТ “Пружанскі ільнозавод”. Наведаўшы адкрытае акцыянернае таварыства, вучні змаглі асабіста паназіраць
8 тсудзеня вучні 5 — 7 класаў наведалі ААТ «Завод радыёдэталяў», дзе майстар пазнаёміў вучняў з працэсам вытворчасці панэлей прыбораў і электражгутоў для сельскагаспадарчай тэхнікі, Дадзеная прадукцыя выкарыстоўваецца ў зборачным працэсе трактароў МТЗ у г. Мінску.
Падчас зімовых канікул вучні пачатковых класаў наведалі памятнае месца каля Ружан, прысвечанае баям танкавых дывізій у першыя дні Вялікай Айчыннай вайны. Каля пліты, устаноўленай перад насыпам, вучні хвілінай маўчання ўшанавалі памяць ста дваццаці сямі пахаваных тут воінаў, сто пятнаццаць з якіх да цяперашняга часу застаюцца невядомымі.
3 студзеня вучні пачатковых класаў здзейснілі экскурсію ў заасад «Залаты фазан» у в. Малочкі. Падчас наведвання яны пазнаёміліся з умовамі жыцця не толькі жывёльнага свету Беларусі, але і жыхароў паўднёвых краін. Прыгажуны алені, цікаўныя казулі і лані, свавольнік камерунскі козлік, рознакаляровыя паўліны і фазаны, гарэзы-вавёрачкі, пушыстыя лісы і іншыя жывёлы ўздымалі настрой не толькі дзецям, але і дарослым наведвальнікам заасаду.
Кніжны карнавал “Па старонках зімовых казак” і творчыя пасядзелкі “Да нас прыходзіць Новы год” чакалі вучняў 30 снежня. З цікавасцю і захапленнем дзеці называлі казкі, адгадвалі загадкі, у якіх расказваецца пра зіму, гулялі ў гульні, танцавалі і спявалі навагоднія песні, рабілі навагоднія ўпрыгожванні
Шмат гасцей сабралася ў школе на навагодні вечар. Казка, разыграная на ім, не толькі развесяліла, але і паказала творчы патэнцыял членаў драматычнага гуртка (кіраўнік Вашчук А. В.).
Вучні 9, 11 класаў здзівілі сваімі музычнымі сюрпрызамі, а танцавальная праграма падняла ў навагодні карагод усіх гасцей.
27 снежня на Навагодні ранішнік у госці да дзяцей завіталі казачныя героі. Дзеці разам з імі танцавалі, вадзілі карагоды, гулялі ў розныя зімовыя гульні. У канцы Дзед Мароз і Снягурачка ўсіх пачаставалі салодкімі падарункамі.
