19 кастрычніка члены гуртка «Юны біелаг» прынялі ўдзел у рэспубліканскай акцыі «Чысты лес», аб’яўленай Міністэрствам лясной гаспадаркі. Гурткоўцы прыбралі бытавое смецце на ўчастку лесу, які прылягае да аграгарадка Шані. Кампанія па навядзенні парадку прымеркавана да Года малой радзімы.
З 14 па 19 кастрычніка ў школе прайшоў тыдзень прафарыентацыі. Падчас яго правядзення былі арганізаваны мерапрыемствы, накіраваныя на азнаямленне вучняў з самымі запатрабаванымі прафесіямі ў краіне і рэгіёне, на вызначэнне здольнасцей для будучай прафесіі.
У рамках праекта «Сцежкамі роднага краю» вучні 9 — 11 класаў пабывалі ў вёсцы Шубічы, дзе наведалі ветэрана Вялікай Айчыннай вайны Бабрук Марыю Аляксандраўну. Старшакласнікі даведаліся шмат цікавага пра жыццё Марыі Аляксандраўны падчас ваеннага ліхалецця, пра ўзнагароды, якія былі атрыманы ветэранам за ўдзел у абароне сваёй Радзімы ад нямецка-фашысцкіх захопнікаў.
Атрад «Выток» (вучні 8 класа) стаў пераможцам раённага этапу рэспубліканскай экалагічнай акцыі ў намінацыі «Сцяжынкамі роднай прыроды», падрыхтаваўшы творчую справаздачу краязнаўчай эскпедыцыі «Шані-Стойлы-Вяжное-Шчарбы-Шані»(кіраўнік Граб В. М.)
У раённым этапе рэспубліканскага конкурсу «Упрыгожым Беларусь кветкамі» ў намінацыі «Сучасны агарод» пераможцам стала настаўнік геаграфіі і біялогіі Граб В. М., якая падрыхтавала прэзентацыю «Школьны вучэбна-вопытны ўчастак — «азбука» зямлі».
Віншуем з перамогай!
Прызёрамі раённага этапу абласнога агляду-конкурсу па навядзенні парадку і азеляненні прышкольных тэрыторый ў намінацыі «Азеляненне ўстаноў адукацыі ў сельскай мясцовасці» сталі вучаніцы 11 класа з падрыхтаваным праектам «Кропелька дабрыні для школьнага двара» (кіраўнік Граб В. М.)
Парфенюк Ганна і Ніпарка Аляксандра ўзнагароджаны Дыпломам ІІІ ступені ў раённым этапе конкурсу «Юны натураліст» у намінацыі «Смачны і карысны» (кіраўнік Граб В. М.)
З 8 па 14 кастрычніка ў школе прайшоў Тыдзень маці. Завяршэннем Тыдня стала конкурсная праграма, куды былі запрошаны матулі вучняў пачатковых класаў. Шмат шчырых слоў падзякі, цудоўных пажаданняў прагучала ў гонар жанчын-маці. Вучні чыталі вершы, спявалі песні, танцавалі разам з матулямі, удзельнічалі ў сумесных конкурсах. Але лепшым падарункам у гэтыя дні быў цудоўны настрой.
