Наведвальнікі летніка «Дружба» прынялі ўдзел у спартыўных спаборніцтвах «Хто мацней, хутчэй і дужэй» і спаборніцтвах па піянерболу, прысвяціўшы іх ІІ Еўрапейскім гульням у Мінску. Таксама выхаванцамі быў прагледжаны і абмеркаваны дакументальны фільм «Равнение на олимпийцев». Рухомыя гульні на свежым паветры прайшлі пад дэвізам «У руху жыццё».

З задавальненнем наведвальнікі лагера прынялі ўдзел у гульнёвай праграме»Знайдзі скарб лагера». Хуткія хлопчыкі і дзяўчынкі за кароткі час выканалі заданні ўсіх шасці этапаў і атрымалі ў падарунак салодкія прызы.

У аздараўленчым лагеры выхаванцы дружна абмяркоўвалі адкрыццё ІІ Еўрапейскіх гульняў у Мінску. На школьным стэндзе размешчана неабходная інфармацыя аб удзеле больш як 4000 спартсменаў з 50 краін, якія разыграюць 200 камплектаў узнагарод у 15 відах спорту (23 дысцыплінах), а таксама ліцэнзіі на Алімпіяду-2020 у Токіа.

Заканчваецца змена аздараўленчага лагера. Вучні раз’едуцца на летні адпачынак да бабуль і дзядуль. Сваім сябрам яны пажадалі шмат прыемнага, стварыўшы калектыўны калаж пажаданняў «Дружба».

Днямі выхаванцаў запрасілі на майстар-клас па вырабу падзелак у тэхніцы «тарцаванне». Мерапрыемства правяла мясцовая майстрыха Кабрынец Т.Ф.

Наведвальнікі лагера «Дружба» прынялі ўдзел у конкурсных праграмах «Узыходзячая зорка» і «А ну, дзяўчынкі і рыцары хлопчыкі!» Пасля правядзення разнастайных конкурсаў былі выбраны міс (Міранюк А.) і містар лагера (Хоміч А.).

Выхаванцы летніка «Дружба» наведалі памятныя мясціны Пружаншчыны. Падчас наведвання яны ўшанавалі памяць герояў, якія аддалі сваё жыццё дзеля міру на роднай зямлі, хвілінай маўчання.