Традыцыйна святкаванне Дня Перамогі пачалося ў 09.30 гадзін каля помніка загінуўшым у гады Вялікай Айчыннай вайны ў цэнтры аграгарадка.

На мітынг прыйшлі  школьнікі, моладзь, жыхары аграгарадка. З прывітальным словам выступіў старшыня сельвыканкама Лапука Сяргей Іванавіч. Айцец Сергій, настаяцель Свята-Мікалаеўскай царквы, звярнуўся да прысутных са шчырымі словамі падзякі за мужнасць і гераізм савецкіх салдат, аддаўшых сваё жыццё за мірнае неба. Ён адзначыў, што Дзень Перамогі – гэта самае дарагое свята для кожнага чалавека.

Вучні  школы прачыталі імёны тых, хто не вярнуўся з поля бою. Члены драматычнага гуртка выступілі перад сабраўшыміся з літаратурнай кампазіцыяй. Вучні 10 класа прадставілі музычную кампазіцыю «Ад герояў былых часоў…».  Да помніка былі ўскладзены кветкі і вянкі.

Вучні школы здзейснілі падарожжа на Пружанскі хлебазавод, дзе майстры сваёй справы падзяліліся сакрэтам прыгатавання хлебабулачных вырабаў. Смак свежага пшанічнага хлеба, якім пачаставалі вучняў, стварыў цудоўны настрой.

24 красавіка загадчык Шаняўскога ФАПа Рыбачок Я. Р. правяла гутарку аб прафілактыцы энтэрабіёза з вучнямі 1 — 5 класаў.

24 красавіка адбылася сустрэча вучняў 10 класа з палкоўнікам інжынерных войск у адстаўцы Мелешам Валерыем Мікалаевічам на тэму «Прафесія ваеннага — гэта ганарова».

Сустрэча з малой радзімай і роднай школай была для Валерыя Мікалаевіча асабліва радаснай і шчымлівай. Мелеш В. М. закончыў школу ў 1971 годзе, зараз пражывае ва Украіне.

Добрай традыцыяй стаў удзел усяго калектыву школы ў рэспубліканскім суботніку. Сумеснымі намаганнямі педагогі, тэхнічны персанал і вучні прыбралі тэрыторыю ўздоўж дарогі па вуліцы Палявой, смецце на пустцы з боку ад вуліцы Школьнай, дзве аўтамабільныя стаянкі. Таксама пабелены дрэвы ў скверы і садзе, высечана маладая порасль уздоўж спартыўнай пляцоўкі. Знайшлася яшчэ работа і на школьным двары.

Добрыя справы на карысць людзям і малой радзіме прыносяць задавальненне.

Вучні школы актыўна рыхтуюцца да раённага конкурсу юных інспектараў дарожнага руху.

Жадаем поспехаў!