12 лютага ў школе прайшлі інфармацыйныя гадзіны, прысвечаныя 30-годдзю з дня вываду савецкіх войск з Афганістана. Падчас правядзення мерапрыемстваў вучні ўспомнілі воінаў-землякоў, якія аддалі сваё жыццё, дапамагаючы народу Афганістана, ушанавалі іх памяць хвілінай маўчання.

У суботу, 9 лютага, пачаткоўцы прынялі ўдзел у конкурснай праграме “Вясёлыя старты”. Вучні 5 — 7 класаў змагаліся за перамогу ў інтэлектуальным турніры “Што мы ведаем пра здароўе?” Старшакласнікі ўдзельнічалі ў гульні-віктарыне “Быць здаровым — модна!”

Але самымі захапляльнымі былі спаборніцтвы па шашках і шахматах сярод вучняў 1 – 4, 5 — 8 класаў.

2 лютага адбыўся традыцыйны вечар сустрэчы выпускнікоў «Лютаўская настальгія». Зала сельскага клуба, у якой праходзіла ўрачыстая частка вечара, была перапоўнена.

На сустрэчу сабраліся выпускнікі 1979 года, якія закончылі школу 40 гадоў таму.

Кожны свой юбілейны год сустракаюць разам са сваім класным кіраўніком Ждановіч В.М. выпускнікі 1999 і 2004 гадоў.

Шмат выпускнікоў 2009 года з’ехаліся ў школу на свой 10-гадовы юбілей. Упершыню сустрэліся выпускнікі 2014 года, якія скончылі базавую школу.

Старшакласнікі і настаўнікі не толькі самі спявалі, танцавалі, інсцэніравалі, але і стараліся ўключыць ва ўсё гэта выпускнікоў.

У суботу, 19 студзеня, пачаткоўцы прынялі ўдзел у практычным занятку “Краіна парадку”. Вучні 5 — 7 класаў спаборнічалі ў прававой гульні “Наш выбар – наша будучае!” Старшакласнікі паказалі веды ў гульні “Прававы эрудыт”. Члены атрада «Міласэрнасць» аказалі дапамогу састарэлым, прыняўшы ўдзел у аперацыі “Клопат”.

У суботу, 12 студзеня, з самага ранку вучні пачатковых класаў прынялі ўдзел у выпуску газеты “Спорт – гэта здароўе”, а сярод вучняў 5 – 9 класаў прайшлі лыжныя спаборніцтвы “Лыжня кліча!” Таксама пачаткоўцы змагаліся за перамогу ў хадзьбе на лыжах “У здаровым целе – здаровы дух”, вучні 5 — 7 класаў праяўлялі свае таленты ў гадзіне творчасці “Снежныя скульптуры”, старшакласнікі паказалі ўменні ў дакладным пападанні ў цэль ў гульні “Снежны снайпер”.