Ганаровай граматай Пружанскага раённага Савета дэпутатаў узнагароджана Ярмашэвіч Алена Мікалаеўна, дырэктар установы, за шматгадовую добрасумленную працу ў сістэме адукацыі і дасягнутыя поспехі ў выхаванні падрастаючага пакалення і ў сувязі з 50-годдзем з дня нараджэння. Ганаровую грамату ўручыла намеснік начальніка аддзела па адукацыі Пружанскага райвыканкама Супрыновіч С. В.
Штогод у адпаведнасці з рашэннем Сусветнай арганізацыі аховы здароўя і Генеральнай асамблеі ААН, прынятым у снежні 1988 — 1 снежня адзначаецца Сусветны дзень барацьбы са СНІДам. З гэтай нагоды ў школе перад вучнямі выступіла агітбрыгада «Мы за здаровы лад жыцця».
Вучаніцы школы Парфенюк Ганна і Міранюк Настасся падрыхтавалі малюнкі на раённы этап мастацкага агляду-конкурсу «Опасность — СПИД».
21 лістапада вучні 10 класа сустрэліся з прадстаўніком ДУ «Віцебская ордэна «Знак Пашаны» дзяржаўная акадэмія ветэрынарнай медыцыны». Падчас сустрэчы старшакласнікі даведаліся аб факультэтах, кафедрах, аграрным каледжы, навукова-даследчым інстытуце ветэрынарнай медыцыны і біятэхналогіі, Рэспубліканскай лабараторыі інфармацыйных тэхналогій. Таксама вучні атрымалі поўную інфармацыю аб умовах паступлення і навучання ў акадэміі.
У панядзелак, 19 лістапада, вучні пачатковых класаў былі запрошаны на літаратурную гасцёўню, прысвечаную 110-годдзю з дня нараджэння земляка-паэта Міколы Засіма.
Падчас правядзення мерапрыемства вучні знаёміліся з творчай дзейнасцю і жыццёвым шляхам Міколы Засіма, дэкламавалі вядомыя вершы паэта, гулялі ў беларускія народныя гульні, удзельнічалі ў віктарыне па творчасці земляка, імя якога носіць наша школа.
Свята захоўваецца памяць пра славутага земляка, паэта Міколу Засіма. З 14 па 20 лістапада ў школе наладжаны мерапрыемствы, у ходзе якіх праводзяцца экскурсіі, літаратурныя вечарыны і віктарыны, конкурсы чытальнікаў вершаў Міколы Засіма, творчыя майстэрні, літаратурныя гульні.
30 лістапада 2018 года адбудзецца конкурс інавацыйных праектаў маладых распрацоўшчыкаў – PINSK INVEST WEEKEND-11.
