Вучні 6 класа пад кіраўніцтвам Граб В.М. здзейснілі паход па сцежках творчасці народнага майстра Беларусі Тарасюка М.В. у вёску Стойлы. Яны скарысталіся выдатнай магчымасцю сфатаграфавацца ў цудоўных і памятных мясцінах і канешне адпачыць. Паход атрымаўся насычаным і не пакінуў нікога раўнадушным.

Свята заканчэння пачатковай школы — першы крок на новую прыступку школьнага жыцця. Гэта свята адначасова і радаснае, і крыху сумнае.

26 мая вучні 4 класа развіталіся з пачатковай школай і сваёй настаўніцай. Наперадзе вучняў чакаюць новыя настаўнікі, новыя прадметы.

21 мая адбылася сустрэча вучняў 9 класа з прадстаўнікамі ДУ «Бярозаўскі дзяржаўны прафесійны ліцэй будаўнікоў» і ДУ «Ваўкавыскі дзяржаўны аграрны каледж», дзе яны пазнаёміліся з умовамі паступлення ва ўстановы, планам прыёму і ўмовамі пражывання падчас навучання.

У суботу, 19 мая, пачаткоўцы прынялі ўдзел у інтэрактыўнай гульні “Птушыны свет Беларусі”. Вучні 5 — 7 класаў спаборнічалі ў гульні – падарожжы “Па вуліцах “Чырвонай кнігі» і акцыі “Дапаможам прыродзе разам”. 

Старшакласнікі  праявілі свае здольнасці ў экалагічным эрудыцыёне “Прырода на тваёй далоні”. Члены ГА “БРПА” ўдзельнічалі ў VIII раённым злёце прадстаўнікоў аб’яднання, дзе вучні 4 класа былі прыняты ў рады ГА «БРПА».

У суботу, 12 мая, вучні школы ў чарговы раз сабраліся на дзень здароўя. Пазнаваўчыя, вясёлыя і займальныя конкурсы, імкненне да перамогі паднялі ўсім цудоўны настрой.

Традыцыйна святкаванне Дня Перамогі пачалося ў 09.30 гадзін каля помніка загінуўшым у гады Вялікай Айчыннай вайны ў цэнтры аграгарадка.

На мітынг прыйшлі  школьнікі, моладзь, жыхары аграгарадка. З прывітальным словам выступіў старшыня сельвыканкама Лапука Сяргей Іванавіч. Айцец Сергій, настаяцель Свята-Мікалаеўскай царквы, звярнуўся да прысутных са шчырымі словамі падзякі за мужнасць і гераізм савецкіх салдат, аддаўшых сваё жыццё за мірнае неба. Ён адзначыў, што Дзень Перамогі – гэта самае дарагое свята для кожнага чалавека.

Вучні  школы прачыталі імёны тых, хто не вярнуўся з поля бою. Члены драматычнага гуртка выступілі перад сабраўшыміся з літаратурнай кампазіцыяй.  Да помніка былі ўскладзены кветкі і вянкі.

20.05.2018 у 10.30 і 13.00 у гарадскім Палацы культуры адбудзецца спектакль-шоу “Колобанга”.

У суботу, 5 мая, пачаткоўцы наведалі гульнёвы занятак “Школа разведчыкаў”. Вучні 5 — 7 класаў прынялі ўдзел у гадзіне мужнасці “Мы – нашчадкі Перамогі”. Экскурс у гісторыю здзейснілі старшакласнікі, якія паглядзелі і абмеркавалі відэасюжэт “Вайна на западным напрамку”. Члены ГА «БРПА» прынялі ўдзел у аперацыі “Вэтэран жыве побач”.

Добрай традыцыяй школы стала штогадовае правядзенне аперацыі «Абеліскі». Вучні старшых класаў прыбралі ад апалага лісця тэрыторыю ля помнікаў на месцах дыслакацыі партызанскага атрада імя Чкалава і гібелі генерала Бахарава, якія знаходзяцца на тэрыторыі Шаняўскога сельсавета, а таксама ля памятнага знака на радзіме Шырмы Р.Р. у вёсцы Шакуны.

Падыходзіць да завяршэння месячнік па добраўпарадкаванні. На працягу некалькіх тыдняў вучні і работнікі шчыравалі на школьных кветніках. Сотні кусцікаў арабісу, віёлы, гваздзікоў турэцкіх былі высаджаны іх руплівымі рукамі.

Зацвілі пасаджаныя восенню прымулы, цюльпаны. Школьны двор радуе вока сваёю чысцінёй і прыгажосцю.

Прыемна, калі праца прыносіць плён.