16 лютага вучні 8 — 11 класаў прынялі ўдзел у адкрытым дыялогу «Служба ў арміі: за ці супраць». Разам з настаўнікам дапрызыўнай падрыхтоўкі Ціхановічам Я. Д. яны абмеркавалі  актуальныя пытанні аб умовах службы юнакоў у вайсковых частках нашай краіны.

13 лютага расчынілі свае дзверы ўчасткі для датэрміновага галасавання. Члены ўчастковай камісіі дзяжураць па графіку і адкрытыя да дыялогу. У чацвер, 15 лютага, вучні 9 класа разам са сваім класным кіраўніком Вашчук А. В. адправіліся на экскурсію на выбарчы ўчастак №24 Шаняўскога сельсавета, дзе старшыня камісіі Бяляева І. Р. расказала вучням аб правілах галасавання.

У суботні дзень пачаткоўцы прынялі ўдзел у спартыўна – забаўляльнай гульні “Форт Баярд”. Вучні 5 – 7 класаў праявілі свае веды ў інтэлектуальным турніры “Што мы ведаем пра здароўе?” Старшакласнікі наведалі дэтэктыўнае агенства  “Спартыўная субота”.

У суботу, 10 лютага, усе вучні школы прынялі ўдзел у лыжных спаборніцтвах “Лыжня кліча!”. Падчас спаборніцтваў дзеці атрымалі шмат задавальнення і станоўчых эмоцый.

Пад такой назвай 8 лютага прайшоў алімпійскі ўрок для вучняў 1 — 4 класаў. Пачаткоўцы даведаліся аб самых славутых спартсменах Брэсцкай вобласці, аб яе першым прадстаўніку С. Л. Макаранку, які ў 1960 г. на XVII Алімпійскіх гульнях за свае дасягненні быў узнагароджаны залатым алімпійскім медалём. Таксама вучні праглядзелі і абмеркавалі відэасюжэт аб падтрымцы юных спартсменаў Брэстчыны і краіны ў цэлым.

8 лютага прайшоў збор піянерскай дружыны, прысвечаны Дню юнага героя-антыфашыста. У ходзе збору піянеры дружыны праглядзелі і абмеркавалі відэаролік аб піянерах-героях, прадэманстравалі свае буклеты, адказалі на пытанні віктарыны, стварылі газету “Мы – за мір!”