Пад такой назвай 1 лістапада для пачаткоўцаў прайшоў урок бяспекі, дзе вучні ўспомнілі правілы паводзін у лесе, на вадаёме, правілы бяспекі падчас узнікнення пажара, здзейснілі падарожжа па цікавых старонках часопіса «Юны выратавальнік».
Конкурсныя работы ў намінацыях «Калекцыя кветак» (Вашчук К. і Бялова Г.) і «Птушыныя гісторыі» (Германовіч А.) адзначаны граматамі за 2 і 3 месца ў абласным этапе рэспубліканскай акцыі вучнёўскай моладзі «Жыву ў Беларусі і тым ганаруся».
31 кастрычніка ўвесь калектыў школы прыняў ўдзел у акцыі па навядзенні парадку на прышкольнай тэрыторыі, якая праводзілася ў рамках Месячніка па добраўпарадкаванні.
31 кастрычніка вучні пачатковых класаў удзельнічалі ў гульнёвай праграме «Вясёлыя ўрокі». Піянерская акцыя «Вывучаем свой край» прайшла сярод піянераў 5 — 8 класаў.
Падчас асенніх канікул у пачатковай школе арганізавана работа па падрыхтоўцы да інтэлектуальнага конкурсу «Пазнайка».
Падведзены вынікі раённага этапу рэспубліканскай акцыі «Жыву ў Беларусі і тым ганаруся». Вучаніца 9 класа Папырына Хрысціна заняла 1 месца ў намінацыі «Дзівоснае побач». Творчая работа Германовіч Аліны, вучаніцы 9 класа, заняла 2 месца ў намінацыі «Птушыныя гісторыі». Пераможцамі ў намінацыі «Калекцыя кветак» сталі вучань 11 класа Вашчук Кірыл і вучаніца 9 класа Бялова Ганна са сваім праектам «Калекцыйны аддзел». У намінацыі «Беларусь у фармаце 3D» 2 месца заняла Парфянюк Ганна, вучаніца 6 класа (кіраўнік Граб В. М.). У намінацыі «Сельскія населеныя пункты» даследчая работа вучаніцы 7 класа Ніпарка Ганны заняла 3 месца (кіраўнік Бяляева І. Р.).
Загадам раённага аддзела адукацыі, спорту і турызму № 784 ад 25.10.2017 адзначаны актыўны ўдзел вучняў і педагогаў у конкурсах рэспубліканскай акцыі вучнёўскай моладзі «Жыву ў Беларусі і тым ганаруся».
Віншуем!
У суботу, 28 кастрычніка, вучні пачатковых класаў наведалі калейдаскоп “Гульні нашых бабуль і дзядуль”, пагулялі ў беларускія народныя гульні “Міхасік”, “Падскокі”, “Засолы”. Вучні 5 — 7 класаў прынялі ўдзел у гульнёвай праграме “Паляванне на лісаў”. Старшакласнікі спаборнічалі ў конкурсе-гульні “У госці да Янкі”.
У рамках кансультатыўна-адукацыйнай акцыі «Мой выбар — жыццё з пазітывам» 26 кастрычніка ў школе прайшоў кіналекторый з удзелам псіхолага ЦРБ Курачынскай Т. В.
Падведзены вынікі абласнога конкурсу-агляду па навядзенні парадку і азеляненні школьных тэрыторый, за ўдзел у якім наша ўстанова ўзнагароджана дыпломам IIІ ступені ў намінацыі «Кветкі вясны».
Вучні 8 — 11 класаў былі запрошаны ў літаратурны салон, дзе мелі магчымасць акунуцца ў атмасферу Срэбранага веку рускай паэзіі. Яны пазнаёміліся з творчасцю Марыны Цвятаевай, былі прыемна ўражаны рамансамі на словы паэтэсы, а таксама артыстычным чытаннем вершаў.
