23 снежня члены ГА «БРПА» прынялі ўдзел у прыёме другакласнікаў у рады акцябрат.

У суботу, 17 снежня, вучняў пачатковых класаў запрасілі наведаць гадзіну адпачынку «Беларускія сямейныя традыцыі». Вучні 5 — 7 класаў прынялі ўдзел у шчырай размове “Як святкуюць Новы год у нашай сям’і». Старшакласнікі ўдзельнічалі ў конкурснай праграме «Мая сям’я». Пры наведванні мерапрыемстваў вучні знаёміліся з традыцыяй святкавання Каляд і Новага года на Беларусі, вучыліся ствараць калядныя вобразы (бабы, казы, ваўка), ляпіць з салёнага цеста традыцыйныя пачастункі, спяваць абрадавыя песні.

16 снежня вучні школы прынялі ўдзел у благачыннай акцыі «Падзяліся цяплом, падары паштоўку». Вучні падрыхтавалі падарункі-паштоўкі для дзяцей-інвалідаў.

16 снежня вучні пачатковай школы наведалі музычную гасцёўню «Беларускі дзіцячы музычны фальклор», якую падрыхтавала настаўніца Коверзнева І. М. Дзеці з ахвотай знаёміліся са старажытнымі і сучаснымі музычнымі інструментамі, спявалі абрадавыя песні, калыханкі, забаўлянкі, гулялі ў беларускія народныя гульні.

У суботу, 10 снежня, вучні пачатковых класаў прынялі ўдзел у інтэлектуальнай гульні «Права ці абавязак?» Педагог сацыяльны запрасіла вучняў 5 — 7 класаў наведаць гульню-аўкцыён “На што патраціць жыццё ці як стварыць жыццёвы капітал?” У адкрытым дыялогу старшакласнікі абмеркавалі пытанне “Як мы выконваем свае абавязкі і карыстаемся сваімі правамі?”

Вучні школы падрыхтавалі работы для ўдзелу ў раённым этапе IV рэспубліканскага агляду-конкурсу мастацкай творчасці «Здравствуй, мир!»

 З 5 па 10 снежня ў школе прайшоў Тыдзень прававых ведаў для вучняў 1-11 класаў. У ходзе праведзеных мерапрыемстваў  дзеці паглыбілі свае веды аб правах чалавека, каштоўнасцях чалавечага жыцця, развілі  навыкі  правамерных паводзін, адказнасць за свае паводзіны на аснове ведаў сваіх правоў і абавязкаў.

Усе школьнікі прынялі актыўны ўдзел у практычных занятках, гульнях, дыскусіях, тэматычных інфармацыйных гадзінах. Тыдзень прававых ведаў быў змястоўны і выніковы. Вучні набылі вопыт, які ім неабходны ў сацыяльна значнай дзейнасці ў цяперашнім і будучым жыцці.

8 снежня вучні 9 класа рашэннем сходу членаў пярвічнай арганізацыі грамадскага аб’яднання «БРСМ» былі  прыняты ў рады арганізацыі. Ва ўрачыстай абстаноўцы ім уручаны членскія  білеты.