15 мая, у Дзень сям’і, члены атрада «Міласэрнасць» разам з педагогам сацыяльным Чарэшка Г. У. павіншавалі шматдзетныя сем’і са святам.

А вучні чацвёртага класа прынялі ўдзел у конкурсе малюнкаў «Мая сям’я — мая радасць».

   Днямі выпускнікамі школы быў прэзентаваны стэнд «Каб быць здаровым». Вучні прадставілі матэрыялы, якія расказваюць аб асаблівасцях рухальнай актыўнасці, правільным харчаванні, выкананні рэжыму дня і інш. На стэндзе размешчаны буклеты і брашуры, накіраваныя на прафілактыку шкодных звычак, а таксама такіх небяспечных хвароб, як туберкулёз, энцэфаліт, менінгіт, СНІД. Не абышлі ўвагай і пытанні наступстваў шаленства.

   Традыцыйна святкаванне Дня Перамогі пачалося ў 10 гадзін каля помніка загінуўшым у гады Вялікай Айчыннай вайны ў цэнтры аграгарадка.

   На мітынг прыйшлі  школьнікі, моладзь, жыхары аграгарадка. Усім удзельнікам і гасцям мітынгу вучнямі і педагогамі школы былі прышпілены чырвона-зялёныя стужкі з яблыневымі кветкамі.

   На мітынгу з прывітальным словам выступіў старшыня сельвыканкама Лапука Сяргей Іванавіч. Дырэктар школы Ярмашэвіч Алена Мікалаеўна павіншавала прысутных з Днём Перамогі, выказала  словы павагі ветэранам.

   Айцец Міхаіл, настаяцель Свята-Мікалаеўскай царквы, звярнуўся да ўдзельнікаў вайны са шчырымі словамі падзякі за мужнасць і гераізм.  Ён адзначыў, што Дзень Перамогі – гэта самае дарагое свята для кожнага чалавека.

   Вучні  школы прачыталі імёны тых, хто не вярнуўся з поля бою. Члены драматычнага гуртка выступілі перад сабраўшыміся з літаратурнай кампазіцыяй.  Да помніка былі ўскладзены кветкі і вянкі.

      На жаль, з кожным годам удзельнікаў тых трагічных падзей ваеннага ліхалецця застаецца ўсё менш. Дзень Перамогі – гэта напамін усім нам аб цане тых ахвяр, якія былі прынесены дзеля нашай свабоды і незалежнасці.

   8 мая піянеры нашай школы арганізавалі і правялі акцыю “Паштоўка ветэрану”. У рамках акцыі яны наведалі ветэранаў Вялікай Айчыннай вайны і ўручылі ім кветкі, паштоўкі, пажадалі моцнага здароўя, доўгіх гадоў жыцця пад мірным небам.

   8 мая адбыўся раённы велапрабег «Памяць сэрца», прысвечаны 70 гадавіне Перамогі над нямецка-фашысцкімі захопнікамі, у якім прынялі ўдзел вучні школы. Перад стартам прабегу вучні школы з удзелам прадстаўнікоў мясцовай улады правялі мітынг ля помніка ў в. Шані, ушанаваўшы памяць загінуўшых у гады ваеннага ліхалецця.

   Вучні школы сталі актыўнымі ўдзельнікамі рэспубліканскага патрыятычнага праекта «Кветкі Вялікай Перамогі». Было зроблена 150 бутаньерак, якія ўпрыгожылі не толькі касцюмы школьнікаў, настаўнікаў і работнікаў школы, але і будуць падораны ўдзельнікам мітынгу, які адбудзецца 9 мая.

   Вучні нашай школы прынялі ўдзел у раённым этапе рэспубліканскага конкурсу «Вянок славы». Вянок і медаль «Залатая зорка» адзначаны дыпломамі 2 і 3 ступені.

   Умовы правядзення конкурсу

   Метадычны дзень пад назвай «Мы маладыя» днямі прайшоў у школе. Маладыя педагогі, якія толькі пачынаюць свой шлях, і тыя, хто працуе ў нашай школе першы год, запрасілі сваіх больш вопытных калег на свае адкрытыя ўрокі.

   З такой адказнай справай педагогі Шпарла Г. А., Жабрун Н. В., Чарэшка Г. У. справіліся дастойна, за што і атрымалі словы падтрымкі і адабрэння ад калег.

   У рамках месячніка па добраўпарадкаванні ў школе праведзены шматлікія працоўныя справы і акцыі.

   3 тысячы кветак высаджана на прышкольнай тэрыторыі, пабелены сквер і садовыя дрэвы.

   Работнікі школы прынялі ўдзел у добраўпарадкаванні могілак сумесна з сельвыканкамам.

   Вучні навялі парадак ля помнікаў у в. Шані, в. Козі Брод, в. Шакуны.

   На суботніку ўсёй школай шчыравалі на прышкольным участку.