20 снежня ў школе прайшоў бацькоўскі дзень па тэме «Прафілактыка правапарушэнняў і фарміраванне прававой культуры вучняў».
На ім выступілі ўчастковы інспектар Малыха С. С. і інспектар РАНС Клімовіч С. М. Бацькі мелі магчымасць праглядзець і абмеркаваць фільм па прафілактыцы ўжывання спайсаў «В одиночку не справиться».
Праграма раённага свята «Парад Снягурак і Дзедаў Марозаў» і святочнай цырымоніі
ўзнагароджання лепшых дзяцей раёна «Дараванне-2014»
21 снежня 2014 г.
Гарадскі парк (пляцоўка каля музея):
15.00 — святочнае адкрыццё свята «Рэзідэнцыя Пружанскага Дзеда Мароза»;
15.30 — святочнае шэсце «НаШэсце Снягурак і Дзедаў Марозаў» да галоўнай ёлкі горада.
Цэнтральная плошча:
15.45 — тэатралізаванае прадстаўленне «Марозны сход пад Новы год» (забаўляльная праграма, хараводы, запальванне галоўнай ёлкі, узнагароджанне дзяцей за ўдзел у конкурсе «Як мая сям‘я сустракае Новы год»).
Пружанскі гарадскі Палац культуры:
16.30 — святочная цырымонія ўзнагароджання лепшых дзяцей раёна «Дараванне-2014».
Дзед Мароз і Снягурка аб‘явілі конкурс на лепшую гісторыю «Як мая сям‘я сустракае Новы год». Свае цікавыя гісторыі прыносьце да 19 снежня 2014 г.у паштовую скрынку Дзядулі Мароза у Пружанскі гарадскі Палац культуры.
13 снежня вучняў школы паклікаў Дзень здароўя, прысвечаны алімпійскім чэмпіёнам Беларусі.
Для пачаткоўцаў праведзены гімнастычная эстафета і конкурс малюнкаў «Віват, пераможцы!» Вучні сярэдняга і старэйшага звяна знаёміліся са старонкамі вуснага часопіса «Будзь здароў!», удзельнічалі ў пазнаваўчай гадзіне «Героі алімпійскага руху». Усе навучэнцы падчас правядзення мерапрыемстваў пазнаёміліся з дасягненнямі Д. Домрачавай, Н. Скардзіна, А. Кушніра і іншых спартсменаў Беларусі. Свае веды і ўражанні вучні адлюстравалі ў малюнках і лістах да спартсменаў.
Таксама ў суботні дзень праходзіла падрыхтоўка да навагодніх свят. А Ніпарка Г., вучаніца 4 класа, прыняла ўдзел у ХІІІ раённай навукова-практычнай канферэнцыі «Я — даследчык».
З 8 па 13 снежня ў школе прайшоў Тыдзень прававых ведаў. Для навучэнцаў школы было праведзена шмат карысных, цікавых і запамінальных мерапрыемстваў: конкурсы эрудытаў, выставы літаратуры і малюнкаў, гадзіны зносін, анкетаванне, кансультаванне на прававую тэматыку. У рамках гэтага тыдня была арганізавана і сустрэча з інспектарам ІСН Я. В. Анур’евым.
Зусім нядаўна вучні 9 класа рашэннем сходу членаў пярвічнай арганізацыі грамадскага аб’яднання «БРСМ» былі прыняты ў рады арганізацыі. 11 снежня ва ўрачыстай абстаноўцы ім уручаны білеты членаў ГА «БРСМ».
11 снежня ў школу завітаў Віцебскі экалагічны цэнтр. Вясёлы паштальён Печкін расказаў дзецям аб розных экзатычных жывёлах, запрасіў да ўдзелу ў экалагічных гульнях і конкурсах.
З 20 лістапада па 4 снежня ў школе праходзілі дні Брэсцкай вобласці, прысвечаныя 75-годдзю з дня яе ўтварэння. У рамках гэтых дзён было праведзена шмат разнастайных мерапрыемстваў, на якіх вучні ўзнавілі свае веды аб мінулым Брэстчыны, пазнаёміліся з сучаснымі дасягненнямі ў розных яе галінах, памарылі аб яе будучыні. Гасцямі святочных мерапрыемстваў былі старшыня Шаняўскога сельскага Савета дэпутатаў Лапука С. І., майстар змены ААТ “Пружанскі льнозавод” Вярэніч К. І. і спецыяліст па ідэалогіі ААТ “Шані-аграпрадукт” Астапчык К. М., дзякуючы якім мерапрыемствы былі больш насычанымі і цікавымі.
У рамках Сусветнай кампаніі супраць СНІД і Сусветнага дня прафіліктыкі СНІД у школе прайшоў шэраг мерапрыемстваў, прысвечаных дадзенай праблеме.
Для вучняў пачатковых класаў была праведзена тэматычная інфармацыйная гадзіна «СНІД. Што патрэбна ведаць?» Пачаткоўцы пазнаёміліся з жудаснай хваробай усёй планеты, а таксама атрымалі кансультацыю, як засцерагчыся ад гэтай бяды.
Вучні сярэдняга звяна наведалі гадзіну прафілактыкі «Як засцерагчыся ад бяды?»
Для вучняў старэйшых класаў была арганізавана гадзіна інфармавання «ВІЧ – СНІД: у чым праблема?» Вучні атрымалі кансультацыю на тэму: «Як засцерагчы сябе ад ВІЧ?»
У суботу, 29 лістапада, у школе прайшоў дзень творчасці.
Усе вучні школы з задавальненнем удзельнічалі ў КТС «Зімовыя фантазіі». Кабінеты, калідор былі ўпрыгожаны цудоўнымі званочкамі, елачкамі, сняжынкамі, якія выразалі не толькі навучэнцы, але і настаўнікі школы. У гэты дзень таксама працавала творчая майстэрня па вырабу Калядных вяночкаў. Вучні і настаўнікі школы праявілі багатую фантазію і творчыя здольнасці.
На мінулым тыдні школьнікі жылі тыднем беларускай мовы і літаратуры, які пачаўся з традыцыйнай лінейкі. Вучні 8,9 класаў сталі ўдзельнікамі літаратурнай віктарыны, старшакласнікі сустрэліся на літаратурным рынгу, дзе змагаліся за званне лепшага літаратуразнаўцы, якім стаў вучань 9 кл. Бяляеў Я.
У адзін з дзён вучні мелі магчымасць прайсці жыццёвымі пуцявінамі М.Лынькова з нагоды яго юбілею на літаратурнай гасцёўні “Голас сэрца і душы”.
У КВЗ “Папацей, грамацей” вучні паказалі не толькі свае веды, але і кемлівасць, знаходлівасць. А яшчэ школьнікі паўдзельнічалі ў конкурсе крыжаванак. Пачаткоўцы здзейснілі падарожжа па Краіне гукаў і літар.
Заключным акордам тыдня стала літаратурна-краязнаўчае падарожжа “Зямля бацькоў – мая зямля”.
