Анонс суботы 4 мая
4 мая для вас прапануюцца наступныя мерапрыемствы:
0900 – 0945 Гадзіна чытання “Мы вайны не ведаем, аб вайне чытаем” (1 – 4 класы)
Месца правядзення – кабінет № 2
Адказная Тарасава М.Б.
0955 – 1040 Інтэрактыўная пляцоўка “Святыя сімвалы Радзімы” на базе занальнага цэнтра ў ДУА “Ліноўская сярэдняя школа” (5 – 9 класы)
Месца правядзення – ДУА “Ліноўская сярэдняя школа”
Адказны Каляда А.Г., Семянчук В.М.
0955 – 1040 Літаратурна-музычная кампазіцыя “Я патрыёт сваёй краіны” (8,9 класы)
Месца правядзення – кабінет № 5
Адказны Вашчук А.В.
Нашы працаўнікі
Актыўна вядуцца работы на школьным вучэбна-доследным участку. Рабочыя зялёнага будаўніцтва высаджваюць кветкі на калекцыйны аддзел, адбіваюць дарожкі, паліваюць расаду ў цяпліцы.
Праводзім вольны час у выхадныя з карысцю!
З мэтай выхавання ў дзяцей беражлівых адносін да прыроды навучэнцы 1-4 класаў здзейснілі займальны экалагічны паход «На цудоўнай зямлі добра жывецца сям’і». Дзеці пазнаёміліся з дзіўнай прыродай лесу і яго насельнікамі, вучыліся выконваць правілы бяспечных паводзін, адказвалі на экалагічныя пытанні.
Вядома ж, які паход без рухомых гульняў, конкурсаў і спартыўных эстафет. Вучні паказалі свой спрыт, кемлівасць, знаходлівасць, шпаркасць і вытрымку. Цёплае сонечнае надвор’е дазволіла правесці экалагічны паход весела і цікава. 🌞👍👍👍
Міжнародны дзень памяці аб чарнобыльскай катастрофе
Міжнародны дзень памяці аб чарнобыльскай катастрофе быў абвешчаны Генеральнай асамблеяй ААН 8 снежня 2016 года і штогод пачынаючы з 2017-га адзначаецца 26 красавіка. Дата яго правядзення была абраная не выпадкова: менавіта ў гэты дзень у 1986 годзе адбылася найбуйнейшая па маштабах шкоды і наступстваў тэхнагенная катастрофа ХХ стагоддзя – аварыя на Чарнобыльскай атамнай электрастанцыі (ЧАЭС), у выніку якой амаль 8,4 млн чалавек падвергліся ўздзеянню радыяцыі.
Каля 70 % радыеактыўных ападкаў выпала на тэрыторыі Беларусі – забруджванню падвергнулася амаль чвэрць тэрыторыі краіны (23 %).
З 22 па 26 красавіка ў школьнай бібліятэцы для вучняў і настаўнікаў была арганізавана тэматычная выстава «Чарнобыль: лёсы, падзеі, памяць», прысвечаная Міжнароднаму дню памяці аб чарнобыльскай катастрофе.
Прайшло 38 гадоў. Беларусь робіць якасны пераход ад краіны, якая найбольш пацярпела ад Чарнобыля, да дзяржавы, якая назапасіла бясцэнны навукова-практычны, кіраўнічы вопыт. Абагульнены досвед нашай краіны ў пераадоленні наступстваў чарнобыльскай катастрофы служыць усяму чалавецтву.
Школа Актыўнага Грамадзяніна «Радзіма мая Беларусь у асобах. Клопат аб сваім здароўі»
У рамках інфармацыйна-адукацыйнага праекта ШАГ «Радзіма мая Беларусь у асобах. Клопат аб сваім здароўі» навучэнцы 8,9,11 класаў былі запрошаны на сустрэчу з загадчыкам ФАП в.Чахец Жук С.В., якая расказала пра штодзённую нялёгкую працу фельчара. Святлана Вітальеўна ўспомніла свайго першага пацыента, падзялілася сакрэтамі сваёй працы, расказала пра якасці, якія неабходна выхоўваць, каб стаць добрасумленным медыцынскім работнікам.
Дэкада грамадска-патрыятычных спраў “Чарнобыль. Захоўваючы памяць…»
З 18 па 27 красавіка 2024 года ва ўстановах адукацыі Беларусі праводзіцца рэспубліканская дэкада грамадска-патрыятычных спраў “Чарнобыль. Захоўваючы памяць…». З мэтай фарміравання ў навучэнцаў культуры беражлівых адносін да гісторыка-культурнай і прыроднай спадчыны краіны праз прыцягненне іх увагі да трагедыі на Чарнобыльскай АЭС у 1 -9,11 класах прайшлі розныя мерапрыемствы.
Інтэлектуальная гульня «Маладзёжны квіз»
З мэтай павышэння эфектыўнасці прафілактычных мерапрыемстваў ва ўстановах агульнай сярэдняй адукацыі Пружанскага раёна ў Палацы культуры праводзілася інтэлектуальная гульня «Маладзёжны квіз». У гульні прыняў удзел навучэнец 11 класа Казлоўскі Уладзіслаў. 🥉
