29 снежня навучэнцы ДУА «Шаняўская сярэдняя школа імя Міколы Засіма» прынялі ўдзел у навагоднім вечары «Новы год адзначым разам — танцам, гумарам і песняй» у Шаняўскім сельскім клубе-бібліятэцы. Рабяты парадавалі жыхароў і гасцей аграгарадка выдатнымі песнямі і танцамі.
Калі цёмна — проста неабходна быць прыкметным на дарозе! Акрамя светлага адзення, ліхтарыкаў, варта скарыстацца святлоадбівальнымі элементамі. Яны з’яўляюцца эфектыўным сродкам павышэння бяспекі руху і прызначаны для адлюстравання светлавога прамяня ў бок крыніцы святла з мінімальным рассейваннем.
⭕️ 25-30 метраў — гэта адлегласць, пры якім пешаход бачны для вадзіцеля аўтамабіля з уключаным блізкім святлом фар;
⭕️ 130-150 метраў — гэта адлегласць, пры якім бачны пешаход з флікерам;
⭕️ для вадзіцеляў, якія едуць з далёкім святлом фар, гэта адлегласць дасягае да 400 метраў.
Карыстайцеся адмысловымі камізэлькамі і аксэсуарамі або выбірайце вопратку са святлоадбівальнымі элементамі.
Навучэнцы ДУА «Шаняўская сярэдняя школа імя Міколы Засіма» разам з настаўнікам хіміі і біялогіі Жэдзік Г.М. прынялі ўдзел у штогадовай урачыстай цырымоніі ўзнагароджання дзяцей Пружанскага раёна, якія з’яўляюцца прызёрамі абласных і рэспубліканскіх алімпіяд, конкурсаў і спаборніцтваў «Дарование 2024». Віншуем!
З самай раніцы ў школе панавала сапраўдная святочная атмасфера. Весела і забіяцка прайшоў навагодні ранішнік. Навучэнцы 1-6 класаў адправіліся разам з казачнымі героямі за навагоднімі прыгодамі ў Дзедамарозаўку. Дзед Мароз і Снягурка віншавалі ўсіх з Новым годам, гулялі з рабятамі ў вясёлыя гульні і дарылі прысмакі.
Навучэнцы 7-8 класаў прынялі ўдзел у гульні па беларускай мове. Шчаўкунова Ганна наведала прафілактычнае мерапрыемства ў Пружанскім РАУС і музей-сядзібу «Пружанскі палацык».
Члены драматычнага гуртка пад кіраўніцтвам Вашчук А.В. падрыхтавалі і правялі цікавую навагоднюю праграму. Усе атрымалі порцыю добрага настрою і пазітыву ад добрай музыкі, танцаў, вясёлых конкурсаў і гульняў. Весяліліся так, што школа звінела ад музыкі, весялосці, добрага настрою, пазітыву.
Выдатную паездку для навучэнцаў ДУА «Шаняўская сярэдняя школа імя Міколы Засіма» ў рамках акцыі «Нашы дзеці» арганізавала прафсаюзная арганізацыя ААТ «Шані-аграпрадукт». Рабяты наведалі неверагодна займальнае і цікавае навагодняе прадстаўленне «Чароўны сон Дзеда Мароза» ў Брэсцкім абласным Палацы культуры прафсаюзаў. Навучэнцы пагрузіліся ў неверагодную атмасферу святочнага чараўніцтва.
Віншаванне з Новым годам, пажаданні моцнага здароўя і падарункі атрымала Гац Кацярына, якая цяпер навучаецца дома. Школьнае свята запомніцца дзяўчынцы і іншым рабятам вясёлымі танцамі і гульнямі, выдатным настроем.
