У мэтах зніжэння ўзроўню падлеткавай злачыннасці, фарміравання ў дзяцей і моладзі ўсвядомленых законапаслухмяных паводзін, арганізацыі занятасці і кантролю за непаўналетнімі, далучэння іх да асноў здаровага ладу жыцця з 25.12.2024 па 07.01.2025 у перыяд зімовых канікул на тэрыторыі Пружанскага раёна праводзіцца прафілактычная акцыя «Карысныя канікулы!».
24 снежня ў рамках акцыі прайшло свята ўшанавання лепшых вучняў школы, якія дабіліся ў 2024 годзе асаблівых поспехаў, удзельнічаючы ў алімпіядах, конкурсах, спаборніцтвах на раённым і абласным узроўнях. Без салодкіх падарункаў на свяце не застаўся ніхто. Фундатарам свята для школьнікаў стала ААТ “Шані-аграпрадукт”. Гэтую цудоўную традыцыю гаспадарка падтрымлівае ўжо шмат гадоў.
24 снежня ва ўстанове адукацыі прайшла ўрачыстая лінейка, прысвечаная заканчэнню 2 чвэрці 2024/2025 навучальнага года. Дырэктар школы нагадала рабятам пра правілы бяспечных паводзін у час зімовых канікул, навагодніх свят.
23 снежня Пекун Кірыл і Сіліна Сняжана ў складзе дэлегацыі навучэнцаў Пружанскага раёна прынялі ўдзел у дабрачынным навагоднім свяце для дзяцей на базе дзяржаўнай вучэбна-спартыўнай установы «Брэсцкі абласны цэнтр алімпійскага рэзерву па гульнявых відах спорту «Вікторыя» імя Анатоля Пятровіча Мяшкова». Кірыл і Сняжана разам з рабятамі з радасцю ўпрыгожылі ёлку Пружанскага раёна навагоднімі цацкамі, вырабленымі з любоўю напярэдадні надыходзячых Новага года і Раства Хрыстова. Незабыўныя эмоцыі навучэнцы атрымалі ад навагодняга прадстаўлення, падрыхтаванага лепшымі дзеячамі культуры і мастацтва Брэсцкай вобласці.
У суботу 21 снежня ў рамках работы занальнага цэнтра навучэнцы 1-4 класаў наведалі ДУА «Ліноўская сярэдняя школа». Рабяты пазнаёміліся з выставай «Генацыд беларускага народа», здзейснілі экскурсію ў музей вылічальнай тэхнікі і сталі пераможцамі гульні «Аб прафесіях важных і патрэбных». Вучні 5-7 класаў пагулялі ў інтэрактыўную гульню «Лабірынт прафесій». Члены драматычнага гуртка актыўна рыхтаваліся да навагодняга вечара. Навучэнцы 8-10 класаў прынялі ўдзел у кірмашы прафесій «Зрабі правільны выбар» з удзелам студэнткі 1 курса біятэхналагічнага факультэта УА «Гродзенскі дзяржаўны аграрны універсітэт» Краўчук Вікторыі.
20 снежня адбылася прафарыентацыйная сустрэча навучэнцаў 8-10 класаў з выкладчыкам УА «Ваенная акадэмія Рэспублікі Беларусь» Завіжанцам В.М. Віталь Мікалаевіч распавёў дзецям аб парадку прыёму і навучання ў акадэміі, прадэманстраваў прэзентацыю аб спецыяльнасцях, факультэтах, вучэбна-матэрыяльнай базе, а таксама жыцці і побыце курсантаў. Сустрэча была цікавай і карыснай, бо рабяты ўжо зараз разумеюць, што адным з галоўных прыярытэтаў у жыцці з’яўляецца правільны свядомы выбар будучай прафесіі.
У рамках святкавання 100-годдзя беларускага кіно навучэнцы 8-10 класаў і педагогі ДУА «Шаняўская сярэдняя школа імя Міколы Засіма» здзейснілі экскурсію ў кінатэатр «Спадарожнік», дзе мелі магчымасць наведаць выставу і паглядзець фільм «Чорны замак Альшанскі». Фільм уразіў дзяцей і педагогаў спецэфектамі, відовішчнасцю, гукавым афармленнем. Дзве гадзіны праляцелі на адным дыханні.
